Նորություններ

«․հայ» դոմենային անունների տիրույթի 5-րդ տարեդարձը

14 Մայ 2021

2021թ. մայիսի 5-ին լրացավ «․հայ» դոմենային անունների տիրույթի 5-րդ տարեդարձը։ Այդ առիթով հրավիրվել էր ասուլիս՝ ներկայացնելու նախորդ տարիներին իրականացված ծրագրերը և 5-րդ տարեդարձի առթիվ նախատեսված 5 միջոցառումները։ «Ինտերնետ հանրություն» հասարակական կազմակերպությունը շնորհավորում է «․հայ»-ի 5-րդ տարեդարձի առթիվ և շնորհակալություն հայտնում բոլորին, ովքեր իրենց ներդրումն ունեն «․հայ» դոմենային անունների տիրույթի առաջխաղացման գործում։

5-րդ տարեդարձի 5 միջոցառումները.

Նախատեսվում է «Կլոր սեղան» քննարկում՝ ոլորտում ներգրավված կողմերի մասնակցությամբ, որի նպատակն է վերհանել հայկական ինտերնետ տիրույթի խնդիրները, վերլուծել խոչընդոտները և ձևավորել ճանապարհային քարտեզ տիրույթի առաջխաղացման համար։

1. «Վիքիմեդիա Հայաստան» գիտակրթական հասարակական կազմակերպության հետ համատեղ կազմակերպվում է հայկական թեմատիկայի զարգացման մրցույթային արշավ, որի նպատակն է Հայերեն Վիքիպեդիայում հայոց պատմությանը, մշակույթին և գիտությանը նվիրված թեմաների զարգացումն ու արդիականացումը։ Այս «վիքի․հայ» արշավի մասնակիցների շնորհիվ հնարավոր կլինի ներկայացնել մեր պատմությունն ու մշակույթն իր ողջ բազմերանգությամբ, ճշմարտացի ձևով և ժառանգել սերունդներին։

2. Նախատեսվում է անցկացնել լավագույն «․հայ» կայքերի մրցույթ՝ 3 անվանակարգերով՝ «Լավագույն դիզայն», «Լավագույն հայկական բովանդակություն», «Լավագույն օգտագործման մատչելիություն և հավելվածի առկայություն»՝ հիմնվելով ոլորտի մասնագետներից բաղկացած հանձնաժողովի որոշման վրա։

3. Դոմենային անուն գրանցող կազմակերպությունների՝ Ռեգիստրարների միջև մրցույթ՝ ամենաշատ «․հայ» դոմենային անուն գրանցելու համար։

4. «Ինովացիոն էթնիկ մարզային կենտրոն»-ի սաների մասնակցությամբ մրցույթ՝ լավագույն տեսահոլովակ «․հայ»-ի մասին։

Տեսնել ավելին

Քննարկում՝ ուղղված համացանցում ատելության խոսքի կարգավորմանը

14 Մայ 2021

Մարտի 30-ին ՀՀ Ազգային Ժողովի մարդու իրավունքների պաշտպանության և հանրային հարցերի մշտական հանձնաժողովի նախաձեռնությամբ տեղի ունեցավ ՙԱտելության խոսքի կարգավորումը ՀՀ օրենսդրությունում՚ խորագրով նիստ, որին մասնակցեցին ՙԻնտերնետ հանրություն՚ ՀԿ-ի Խորհրդի անդամներ Աննա Կարախանյանը, Գրիգորի Սաղյանը, Լիաննա Գալստյանը, Քրիստինա Հակոբյանը և Քրիստինե Գյոնջյանը:

Հանդիպման ընթացքում տարբեր կազմակերպությունների ներկայացուցիչներն իրենց կարծիքը հայտնեցին հետազոտության առաջարկների մասին՝ նշելով, որ գործող օրենսդրության համաձայն կապի օպերատորները և դոմենային տիրույթի կառավարիչը համացանցում չեն կարգավորում բովանդակությունը:

Հանդիպման ավարտին ՄԱԶԾ փորձագետներին առաջարկվեց հաշվի առնելով քննարկման ընթացքում ոլորտի մասնագետների կողմից ներկայացված պարզաբանումները՝ պատրաստել նոր մոդելային առաջարկներ և ներկայացնել հաջորդ նիստին:

Տեսնել ավելին

Քննարկում «Ատելության խոսքի կարգավորումը համացանցում» թեմայով

14 Մայ 2021

Մարտի 11-ին ՀՀ Ազգային Ժողովում տեղի ունեցավ ԱԺ մարդու իրավունքների պաշտպանության և հանրային հարցերի մշտական հանձնաժողովի աշխատանքային նիստը՝  "Ատելության խոսքի կարգավորումը ՀՀ օրենսդրությունում" խորագրով, որին մասնակցեցին "Ինտերնետ հանրություն" ՀԿ-ի Խորհրդի անդամներ Գրիգորի Սաղյանը, Լիաննա Գալստյանը, Վահան Հովսեփյանը և Քրիստինա Հակոբյանը:

Հանդիպմանը ներկայացվեց ՄԱԶԾ փորձագետների կողմից կատարված հետազոտության մասին զեկույց, որտեղ ներկայացված են նաև .am/.հայ դոմենային անունների տիրույթներում ատելության խոսքը կարգավորելու մասին սկզբունքներ ու առաջարկներ:

Հանդիպման արդյունքում Հանձնաժողովը հանձն առավ մասնակիցներին տրամադրել այդ հետազոտությունը՝ ծանոթանալու և առաջարկներով հանդես գալու համար:

Տեսնել ավելին

Երկարաձգվեց «Ինտերնետ հանրություն» ՀԿ-ի գործադիր տնօրենի լիազորությունների ժամկետը

14 Մայ 2021

2020 թ․ հունիսի 16-ի «Ինտերնետ հանրություն» ՀԿ-ի խորհրդի որոշմամբ  մեկ տարով երկարաձգվեց «Ինտերնետ հանրություն» ՀԿ-ի գործադիր տնօրեն Անդրանիկ Ալեքսանյանի լիազորությունների ժամկետը։

Տեսնել ավելին

Հաստատվեց կազմակերպության նոր խմբագրությամբ կանոնադրությունը

14 Մայ 2021

2020 թ․ հուլիսի 1-ին կայացավ  «Ինտերնետ հանրություն» ՀԿ-ի Ժողովը, որտեղ հաստատվեց կազմակերպության նոր խմբագրությամբ կանոնադրությունը։ Ընդունված փոփոխություններից են՝ իրավաբանական անձանց անդամակցության հնարավորությունը, ինչպես նաև կազմակերպության նախագահի պաշտոնի վերացումը։

Տեսնել ավելին

Ներկայացվեց 2021 թվականի ծախսերի նախահաշիվը

14 Մայ 2021

2020թ․ դեկտեմբերի 25-ին տեղի ունեցավ «Ինտերնետ հանրություն» ՀԿ-ի խորհրդի նիստ, որտեղ համաձայնություն տրվեց «Ինտերնետ հանրություն» ՀԿ-ի 2021 թվականի ծախսերի նախահաշվին, ինչպես նաև հաստիքացուցակին։

Տեսնել ավելին

APRICOT2020, DotAsia AGM, APTLD77

27 Փտր 2020

Ս.թ. փետրվարի 12-21-ը Ավստրալիայի Մելբուռն քաղաքում կայացած APRICOT2020, DotAsia Տնօրենների Խորհրդի և տարեկան ժողովի, ինչպես նաև APTLD77 հանդիպումներին իր մասնակցությամբ ներկայացավ «Ինտերնետ հանրություն» ՀԿ Արտաքին կապերի ղեկավար Լիաննա Գալստյանը։ APTLD77 հանդիպմանը ներկա էին նաև կազմակերպության անդամներ Արմեն Մուրադյանն ու Ծովինար Գրիգորյանը։ Տիկին Գալստյանը հանդիպումներին հանդես եկավ ելույթով՝ ներկայացնելով .am/.հայ տիրույթների շուկան, մարքեթինգային ռազմավարությունը և կատարված աշխատանքները:

Տեսնել ավելին

Բելառուսական Ինտերնետ Կառավարման համաժողով

19 Նմբ 2019

Նոյեմբերի 19-ին ԻՀ ՀԿ վարչության անդամներ Արման Ներսիսյանը, Աննա Կարախանյանը և Արմեն Մուրադյանը Մինսկում մասնակցեցին Բելառուսական ինտերնետ կառավարման համաժողովին: ԻՀ ՀԿ անդամ Վահան Հովսեփյանը ևս ներկա էր, ով նաև ներկայացրեց RIPE NCC կազմակերպությունը:

Համաժողովի ժամանակ քննարկվել են հետևյալ թեմաները՝

Ինտերնետի բալկանացում;Կիբեր վերափոխում. Բիզնես գործընթացներից մինչև էլեկտրոնային կառավարություն;Ինտերնետը որպես լրատվամիջոց. Ի՞նչ կարդալ և ու՞մ վստահել;Ինտերնետը, որպես ներառական միջավայր;Ֆուտուրոլոգիական քննարկում:

Համաժողովի մասին այլ մանրամասներ կարող եք տեսնել՝ https://igf.by/en/

Տեսնել ավելին

N2 Ֆորում

28 Հոկ 2019

Հոկտեմբերի 10-12-ին «Ինտերնետ հանրություն» ՀԿ-ն տեղական և միջազգային այլ գործընկերների հետ միասին Հայաստանում առաջին անգամ կազմակերպեց N2 համաժողովը, (համարներ և անուններ), որն իր մեջ ներառում էր հետևյալ միջոցառումները.

Հոկտեմբերի 10

Հայկական Ինտերնետ կառավարման 5-րդ համաժողովը (ArmIGF), որի կազմակերպիչն ու հյուրընկալն է Ինտերնետ կառավարման խորհուրդը՝ ՀՀ բարձր տեխնոլոգիական արդյունաբերության նախարարության, «Ինտերնետ հանրություն» ՀԿ-ի և «Ինտերնետ հասարակության Հայաստան հատված» ՀԿ-ի հետ համագործակցությամբ։ Ցանցային օպերատորների խմբի համաժողովը (ArmNOG), որի կազմակերպիչն ու հյուրընկալն է Հայաստանի օպերատորների միությունը, ՀՀ բարձր տեխնոլոգիական արդյունաբերության նախարարության հետ համագործակցությամբ։ Ինտերնետհասարակության «Իրերի Ինտերնետ» աշխատաժողովը (IoT SIG Workshop), որի կազմակերպիչն է Ինտերնետ հասարակության Իրերի ինտերնետ հատուկ հետաքրքրությունների խումբը։

Հոկտեմբերի 11

RIPE NCC Բանկային աշխատաժողովը, որի կազմակերպիչն է RIPE NCC-ն, իսկ հյուրընկալը՝ Հայաստանի Կենտրոնական բանկը։ Երիտասարդների Ինտերնետ կառավարման համաժողովը (YIGF), որի կազմակերպիչը երիտասարդ նախաձեռնողների թիմն է՝ ձևավորված բազմաշահառու սկզբունքով, իսկ համակազմակերպիչը՝ Ինտերնետ հասարակության Հայաստան հատված ՀԿ-ն։

Հոկտեմբերի 11-12

4-րդ Արևելաեվրոպական DNS համաժողովը (EEDNSF), որի կազմակերպիչն է ICANN (Հատկացված անունների և համարների Ինտերնետ կորպորացիա) ընկերությունը, իսկ հյուրընկալը՝ «Ինտերնետ հանրություն» ՀԿ-ն` .am դոմենային անունների տիրույթի Ռեգիստրը։

 

«Միասին դեպի թվային ապագա» կարգախոսով ֆորումն անցկացվեց ՀՀ բարձր տեխնոլոգիական արդյունաբերության նախարարության աջակցությամբ: Բացմանը ողջույնի խոսքով հանդես եկան ՀՀ Բարձր տեխնոլոգիական արդյունաբերության նախարար Հակոբ Արշակյանը, ICANN-ի նախագահ և տնօրեն Յորան Մարբին, RIPE NCC-ի տնօրեն Աքսել Պավլիկը, ՄԱԿ-ի IGF MAG անդամ և ArmIGF համակարգող Լիաննա Գալստյանը, Հայաստանի Օպերատորների միության տնօրեն Քրիստինե Գյոնջյանը։

Այնուհետև մեկնարկեց «Թվային ապագան՝ մարտահրավերներն ու հնարավորությունները» պլենար քննարկումը, որին մասնակցեցին ԲՏԱ նախարարի տեղակալ Արմեն Աբրոյանը, Ինտերնետ հասարակության եվրոպական բյուրոյի տնօրեն Ֆրեդերիկ Դոնկը, Յորան Մարբին, Աքսել Պավլիկը՝ SEEDIG-ի գործադիր կոմիտեի նախագահ Սորինա Տելեանուի մոդերացիայով:

Համաժողովը նպատակ ուներ հարթակ ստեղծել արդյունաբերության առաջատար փորձագետների, ցանցային օպերատորների, ծառայություններ մատուցող կազմակերպությունների և ինտերնետի ու ՏՀՏ համայնքի այլ ներկայացուցիչների համար` քննարկելու ընդհանուր հետաքրքրությունները և գաղափարները, տեղեկանալու ոլորտի նոր միտումների մասին, փորձ փոխանակելու և գտնելու համագործակցության հնարավորություններ:

Տեսնել ավելին