Նորություններ

IGF 2019. Առաջին բաց խորհրդատվության և բազմաշահառու խորհրդատվական խմբի հանդիպում

21 Փտր 2019

«Ինտերնետ հանրություն» ՀԿ Արտաքին կապերի ղեկավար Լիաննա Գալստյանը որպես MAG անդամ մասնակցեց հունվարի 28-30-ին Շվեյցարիայի Ժնև քաղաքում կայացած Ինտերնետ կառավարման համաժողովի 2019 թվականի առաջին բաց խորհրդատվության և բազմաշահառու խորհրդատվական խմբի հանդիպմանը։ Աշխատանքային հանդիպումը նվիրված էր 2018 թվականի IGF-ի զեկույցի քննարկմանը, ինչպես նաև ս/թ նոյեմբերի 25-29-ին Բեռլինում կայանալիք 14-րդ համաշխարհային IGF-ի նախապատրաստական աշխատանքներին։ Մանրամասները ներկայացված են պաշտոնական կայքում։

Տեսնել ավելին

Տեղի ունեցավ «Ինտերնետ հանրություն» ՀԿ-ի տարեկան ժողովը

18 Փտր 2019

2019թ․ փետրվարի 15-ին Թեքեյան կենտրոնում տեղի ունեցավ «Ինտերնետ հանրություն» ՀԿ-ի տարեկան ժողովը, որտեղ կազմակերպության նախագահ Իգոր Մկրտումյանը և տնօրեն Արման Ներսիսյանը ներկայացրեցին կազմակերպության 2016-2018թթ․-ի գործունեության և գույքի օգտագործման հաշվետվությունները, որոնք հաստատվեցին ժողովի կողմից: Միևնույն ժամանակ կազմակերպության անդամների 1/3-ի նախաձեռնությամբ սույն թվականի փետրվարի 28-ին կհրավիրվի կազմակերպության արտահերթ ժողով, որտեղ կքննարկվի կազմակերպության կանոնադրության մեջ փոփոխություններ և լրացումներ կատարելու հարցը:

Տեսնել ավելին

Համացանցում հայատառ գրելու օրվա կապակցությամբ ասուլիս

08 Փտր 2019

«Նոյյան Տապան» լրատվական գործակալության մամուլի սրահում Համացանցում հայատառ գրելու օրվա կապակցությամբ տեղի ունեցավ ասուլիս: «Ինտերնետ հանրություն» ՀԿ-ի փոխնախագահ Գրիգորի Սաղյանը և արտաքին կապերի ղեկավար Լիաննա Գալստյանը խոսեցին համացանցում հայկական այբուբենի օգտագործման ներկայիս վիճակի, հայատառ դոմենային անունների գործարկման, խոչընդոտող հարցերի և լուծումների մասին՝ .հայ հայատառ դոմենային անվան տարածումը օգտագործելով որպես Համացանցում հայատառ գրելը խթանող ևս մեկ միջոց: Խոսելով «.հայ» դոմենի տարածման մասին՝ Գ. Սաղյանը նկատեց, որ տեխնիկական խնդիր կա հայերեն միջակետի (.) հետ կապված, որը միջազգային ICANN կազմակերպության արմատական սերվերները չեն ճանաչում և համապատասխան հղում չեն տալիս: Իսկ Լիաննա Գալստյանը պատմեց ընթացիկ ծրագրերի և համագործակցությունների մասին Լեզվի կոմիտեի և այլ պետական մարմինների հետ: Նշենք, որ «Ինտերնետ հանրություն» ՀԿ-ն համագործակցում է Լեզվի կոմիտեյի հետ 2018թ.-ի հուլիսից, որի արդյունքում պետական բոլոր մարմիններն ու կրթական հաստատությունները ստանում են .հայ դոմենային անունների տիրույթում անվճար անուն:

Տեսնել ավելին

GeoNOG 2018

19 Դեկ 2018

2018 թ. դեկտեմբերի 10-ին և 11-ին Թբիլիսիում տեղի ունեցան 4-րդ վրացական Ինտերնետ Կառավարման համաժողովը և վրացական ցանցային օպերաիտորների NOG հանդիպումը: Համաժողովները հանրությանը տրամադրեցին յուրօրինակ հարթակ Վրաստանում առավել տարածված հարցերի շուրջ քննարկումներ իրականացնելու համար: Օրակարգում էին հետևյալ թեմաները՝ Ինտերնետ հասանելիություն, Անվտանգություն, Վրացական ccTLD-ներ և IDN-ներ՝ դրանց մարտահրավերներն ու զարգացումները, Բովանդակության և Հեղինակային իրավունքի մասին և Հաջորդ սերունդն ու Ինտերներ հանրությունը: «Ինտերնետ հանրություն» ՀԿ-ի անդամներ Արմեն Մուրադյանը, Անդրանիկ Մինասյանը, Անի Դալլաքյանը, Առնակ Մելիքյանը, Գրիգորի Սաղյանը, Լիաննա Գալստյանը, Սիրանուշ Վարդանյանը, Վահան Հովսեփյանը, Քրիստինե Գյոնջյանը ակտիվ մասնակցություն ցուցաբերեցին այդ միջոցառումներին: GeoIGF2018 Համաժողովի մանրամասներն այստեղ` http://geoigf.ge/

Տեսնել ավելին

EE DNS համաժողով

10 Դեկ 2018

2018 թ. դեկտեմբերի 4-5-ին Մոսկվայում, Ռուսաստան, տեղի ունեցավ Արևելյան Եվրոպայի 3-րդ DNS (EE DNS) համաժողովը: EE DNS համաժողովը համացանցային ոլորտի փորձագետների և Ինտերնետի էվոլյուցիային հետևող անձանց համար նախատեսված հարթակ է: Այս ֆորումը համախմբում է դոմենային անունների ռեգիստրների և գրանցող կազմակերպությունների, ինտերնետ ծառայություններ մատուցողների, ցանցային օպերատորների, իրավաբանների, տեխնիկական մասնագետների, շահույթ չհետապնդող կազմակերպությունների, պետական մարմինների: EE DNS 2018-ը քննարկել է DNS-ի արմատային գոտու աշխատանքներին աջակցող ենթակառուցվածքի էվոլյուցիան, Ինտերնետային հասցեների համակարգի զարգացման վերջին միտումները, դոմենային անունների ոլորտի կողմից օգտագործվող տեխնոլոգիաների վերջին առաջընթացները, արտասահմանյան գործընկերների հետ աշխատանքային նախագծերը և DNS-ի հետ կապված այլ խնդիրներ: Համաժողովին մասնակցում էր «Ինտերնետ հանրություն» ՀԿ-ի խորհրդի անդամ Աննա Կարախանյանը և անդամներ Կատարինե Գևորգյանն ու Քրիստինա Հակոբյանը: Վերջինս նաև մասնակցել է « Գլոբալ քաղաքականության մշակման օրակարգի մասին տարածաշրջանային տեսակետը» սեսիային որպես խոսնակ:

Տեսնել ավելին

IGF | Փարիզ, Ֆրանսիա, 12-14 նոյեմբեր

03 Դեկ 2018

Նոյեմբերի 12-14-ին Ֆրանսիայի Փարիզ քաղաքում ՝ ՅՈՒՆԵՍԿՕ-ի գլխամասում, կայացավ 13-րդ համաշխարհային Ինտերնետ Կառավարման համաժողովը: Բացման խոսքով հանդես եկան ՄԱԿ-ի գլխավոր քարտուղար Անտոնիո Գուտեռեշը և Ֆրանսիայի նախագահ Էմանուել Մակրոնը:Այս տարի համաժողովը կրում էր «Վստահելի Ինտերնետ» խորագիրը՝ արժևորելով Ինտերնետի անվտանգությունն ու ապահովությունը: Բազմաթիվ թեմաների շարքում էին նաև՝ կիբերանվտանգությունը, տեխնոլոգիական զարգացումը, Ինտերնետ Կառավարման զարգացումը, մարդու իրավունքների հիմնախնդիրները ինտերնետում, մեդիայի հիմնախնդիրները և այլ: Հայկական IGF-ը՝ ի դեմս ԻՀ ՀԿ վարչության անդամ Լիաննա Գալստյանի, ակտիվ մասնակցություն ցուցաբերեց տարբեր թեմաներով քննարկումներին: Համաժողովին ներկա էին նաև ԻՀ ՀԿ անդամներ Կատարինե Գևորգյանը, Քրիստինա Հակոբյանը և Անի Մկրտչյանը։ Համաժողովի հիմնական հաղորդագրություններին ծանոթանալ կարող եք այստեղ՝ http://www.intgovforum.org/multilin…/…/igf-2018-key-messages

Տեսնել ավելին

.MV-ի (Մալդիվներ) մասին հաշվետվություն

03 Դեկ 2018

Ինտերնետ հանրություն ՀԿ-ի փոխնախագահ Գրիգորի Սաղյանը ITU-ի ծրագրի շրջանակներում պատրաստել է .MV (Մալդիվներ) վերին մակարդակի ազգային դոմենային անունների (ccTLD) ռեգիստրարի տեխնիկական աջակցման համար ուսումնասիրություն: Պրն. Սաղյանի զեկույցի հիմնական նպատակն է Մալդիվների հաղորդակցությունների լիազոր մարմնի (CAM) համար նախապատրաստել ccTLD–ների պետական կառավարման առաջարկություններ՝ հիմնվելով .mv-ի ներկայիս կարգավիճակի, Խաղաղ-օվկիանոսյան ccTLD–ների լավագույն փորձի և կառավարման համապատասխան գործիքների օգտագործման շուրջ կատարված հետազոտությունների վրա: Կարևոր է նշել, որ այս ծրագրի իրականացմանը նպաստել է Խաղաղ-օվկիանոսյան վերին մակարդակի դոմենային անունների (APTLD) կազմակերպությունը: ITU-ն և APTLD-ն աջակցում են կայուն և ժամանակակից .mv ccTLD ռեգիստրար համակարգերի ստեղծմանը: * ITU-ն Միացյալ Ազգերի Կազմակերպության տեղեկատվական և հաղորդակցության տեխնոլոգիաների մասնագիտացված գործակալություն է:

Տեսնել ավելին

ICANN63

03 Դեկ 2018

Իսպանիայի Բարսելոնա քաղաքում տեղի է ունեցավ ICANN63 հանդիպումը: «Ինտերնետ հանրություն» ՀԿ-ի խորհրդի անդամ Սիրանուշ Վարդանյանը և կազմակերպության անդամներ Քրիստինա Հակոբյանն ու Կատարինե Գրիգորյանը մասնակցեցին ICANN63 հանդիպմանը:

Տեսնել ավելին

Բելառուսական IGF Մինսկում

03 Դեկ 2018

«Ինտերնետ հանրություն» ՀԿ-ի տնօրեն Արման Ներսիսյանը և վարչության անդամներ Լիաննա Գալստյան ու Արմեն Մուրադյանը 2018թ. հոկտեմբերի 3-ին Մինսկում մասնակցեցին Բելառուսական Ինտերնետ Կառավարման 3-րդ համաժողովին: Համաժողովի ընթացքում Լիաննա Գալստյանը ներկայացրեց Հայկական Ինտերնետ Կառավարման համաժողովների կազմակերպման փորձը, ինչպես նաև Ինտերնետ կառավարման զանգացումներն ընդհանուր առմամբ: Համաժողովի ընթացքում քննարկվել են նաև՝ - Կիբերանվտանգություն: Վստահություն և Ինտերնետ: - Իրերի Ինտերնետ - Անձնական տվյալները Բելառուսում: - Թվային հմտություններ և այլ թեմաներ: IGF.BY–ը կազմակերպվել է Hoster.BY կազմակերպության կողմից, ԲՀ հաղորդակցությունների և տեղեկատվության նախարարության և ICANN, Internet Society, IGFSA, RIPE NCC կազմակերպությունների աջակցությամբ:

Տեսնել ավելին