Հայտարարություններ

«․am» դոմենային տիրույթը 26 տարեկան է

29 Օգս 2020

Այսօր մեր կազմակերպությունը նշում է «․am» դոմենային տիրույթի 26-րդ տարեդարձը։ Շնորհավորում ենք բոլորիս այս կապակցությամբ և մաղթում փայլուն ապագա՝ բազմաթիվ գրանցված անուններ, անխափան աշխատանք և աշխարհին ներկայանալու հորիզոններ։ 26 տարի, մոտ 38000 գրանցում, 40-ից ավել գրանցող կազմակերպություններ, բազմաթիվ իրականացրած ծրագրեր և սա դեռ ճանապարհի սկիզբն է։

Տեսնել ավելին

«Ինտերնետ հանրություն» ՀԿ ընդհանուր ժողով

29 Հնվ 2020

Սույն թվականի փետրվարի 6-ին ժամը 14:00-ին Անի Պլազա հյուրանոցի Անի սրահում (ք.Երևան, Սայաթ Նովա 19) տեղի կունենա «Ինտերնետ հանրություն» ՀԿ-ի ընդհանուր ժողով:

Տեսնել ավելին

Ամփոփվել են «.am լոգո մրցույթի» արդյունքները

18 Սեպ 2019

Ամփոփվել են «.am լոգո մրցույթի» արդյունքները: Մրցույթի ընտրող հաձնաժողովը դիտարկել է ստացված 25 աշխատանքները և ընտրել հաղթող տարբերակը: «Ինտերնետ հանրություն» ՀԿ-ն շնորհակալություն է հայտնում ԲՈԼՈՐ մասնակիցներին իրենց յուրօրինակ աշխատանքների համար:Սիրով ներկայացնում ենք .am լոգոն:Շնորհակալություն ենք հայտնում Նառա Ստեփանյանին իր աշխատանքի և համագործակցության համար:

Տեսնել ավելին

ArmSIG 3-րդ հոսքի մեկնարկ

17 Հլս 2019

Ս.թ. հուլիսի 15-ից «Ինտերնետ հանրություն» ՀԿ-ն հայտարարում է Ինտերնետ կառավարման (ԻԿ) հայկական դպրոցի (ArmSIG) 3-րդ հոսքի մեկնարկը: Այս դասընթացը նախատեսված է հասարակության տարբեր շահառու խմբերի ներկայացուցիչների համար։ Դպրոցի ընդունելությունը մրցութային է։ Հայտերի ընդունման վերջնաժամկետն է օգոստոսի 15-ը։ Ընտրված մասնակիցները կանցնեն 3-օրյա անվճար դասընթաց սեպտեմբերի 11-13-ը՝ Երևանում: Դպրոցում կդասավանդեն ՏՏ ոլորտում հայտնի և փորձառու մասնագետներ, դասախոսներ և փորձագետներ ինչպես Հայաստանից, այնպես էլ նրա սահմաններից դուրս։ Դասընթացի ավարտին մասնակիցները կստանան մասնակցության համապատասխան վկայական։ Դպրոցի աշխատանքային լեզուն հայերենն է, սակայն որոշ նյութեր և շնորհանդեսներ կարող են ներկայացվել նաև անգլերեն լեզվով: Դասընթացի ծրագրի մասին մանրամասները հասանելի են armsig.am կայքում։ ԻԿ դպրոցի նպատակն է միավորել հասարակության ակտիվ և նպատակասլաց ներկայացուցիչներին և ներգրավել նրանց Ինտերնետ կառավարմանն առնչվող հարցերի քննարկումներում, ինչպես նաև ծանոթացնել ազգային, տարածաշրջանային և համաշխարհային Ինտերնետ կառավարման գործընթացներին։

Տեսնել ավելին

.AM լոգոյի մրցույթ

15 Հլս 2019

Ս.թ. հուլիսի 15-ից «Ինտերնետ հանրություն» ՀԿ-ն մեկնարկում է .am դոմենային անունների տիրույթի լոգոյի մրցույթ։ Մրցույթին կարող է մասնակցել ցանկացած անձ՝ ներկայացնելով աշխատանքը logo@isoc.am էլեկտրոնային փոստի հասցեին, ինչպես նաև իր անուն, ազգանունը և կոնտակտային տվյալները (հեռախոս, էլ․փոստի հասցե)։ Աշխատանքների ներկայացման վերջնաժամկետը ս.թ. օգոստոսի 15-ն է: Ներկայացված աշխատանքները կգնահատվեն այդ նպատակով ստեղծված մրցութային հանձնաժողովի կողմից՝ մինչև ս.թ. օգոստոսի 25-ը։ Մրցույթի հաղթողը կստանա հարյուր հազար ՀՀ դրամ մրցանակ։ Աշխատանք ներկայացնելով՝ մրցույթի մասնակիցը համաձայնում է, որ հաղթելու դեպքում, իր ներկայացրած աշխատանքը պաշտոնապես կօգտագործվի «Ինտերնետ հանրություն» ՀԿ-ի կողմից։

Տեսնել ավելին

.հայ տիրույթում գները նվազել են

01 Հլս 2019

Ս.թ. հուլիսի 1-ից .հայ տիրույթում հայատառ դոմենային անունների գրանցման սակագինը նվազել է։ Կարող եք դիմել հավատարմագրված ռեգիստրարներին՝ .հայ տիրույթում նոր գներով դոմենային անուն գրանցելու համար։

Տեսնել ավելին

Մտավոր սեփականություն և տեղեկատվական տեխնոլոգիաներ 2019 մրցույթ

21 Մար 2019

Մտավոր սեփականության իրավատերերի ակումբը  և ISOC.am-ը՝  ՀՀ կրթության և գիտության նախարարություն աջակցությամբ կազմակերպել են  "Մտավոր սեփականություն և տեղեկատվական տեխնոլոգիաներ" մրցույթ։ Բոլոր IT ոլորտով հետաքրքրված ուսանողները կարող են գրանցվել այստեղ՝ https://bit.ly/2TnJx8q և մասնակցել մրցույթին՝ ներկայացնելով հետազոտական աշխատանք հաստատված թեմաներից մեկով մինչև 18:00, ապրիլի 20, 2019: Մրցույթի թեմաներին, կանոններին և այլ մանրամասներին կարող եք ծանոթանալ այստեղ՝ http://ipoclub.am/it-and-ip/ : Ապրիլի 26-ին լավագույն 10 աշխատանքների հեղինակները 4-5 րոպե ցուցադրությամբ կներկայացնեն իրենց աշխատանքները, ինչի արդյունքում կընտրվի լավագույն եռյակը և հաղթողները կստանան արժեքավոր մրցանակներ:

Տեսնել ավելին

«Ինտերնետ հանրություն» ՀԿ արտահերթ ժողով

12 Մար 2019

Սույն թվականի մարտի 13-ին ժամը 15:00-ին Անի Պլազա հյուրանոցի Նաիրի սրահում (ք.Երևան, Սայաթ Նովա 19) տեղի կունենա «Ինտերնետ հանրություն» ՀԿ-ի արտահերթ ժողով: Արտահերթ ժողովը տեղի կունենա բացառապես համատեղ հավաքի ձևով: Ժողովի օրակարգի նախագծում ընդգրկված են հետևյալ հարցերը` 1.«Ինտերնետ հանրություն» ՀԿ-ի նախագահ ընտրելու մասին 2.«Ինտերնետ հանրություն» ՀԿ-ի վարչության անդամներ ընտրելու մասին 3.«Ինտերնետ հանրություն» ՀԿ-ի վերահսկիչ հանձնաժողովի անդամներ ընտրելու մասին:   Միևնույն ժամանակ հնարավորություն կստեղծվի դիտել ժողովը առցանց` Zoom հարթակի միջոցով` հետևյալ հղմամբ. https://zoom.us/j/355019864 Մուտքի կոդ` 355019864

Տեսնել ավելին

«Ինտերնետ հանրություն» ՀԿ արտահերթ ժողով

21 Փտր 2019

Սույն թվականի փետրվարի 28-ին, ժամը 14:30-ին հրավիրվում է «Ինտերնետ հանրություն» ՀԿ արտահերթ ժողով։ ժողովը տեղի կունենա Թեքեյան կենտրոնում (ք.Երևան, Խանջյան 50), ինչպես նաև հնարավորություն կլինի մասնակցելու առցանց, Zoom հարթակի միջոցով, հետևյալ հղմամբ․https://zoom.us/j/843946552Մուտքի կոդ՝ 843946552

Տեսնել ավելին