Նորություններ

IGF 2018. Առաջին բաց խորհրդատվության և բազմաշահառու խորհրդատվական խմբի հանդիպում

20 Մար 2018

«Ինտերնետ հանրություն» ՀԿ վարչության անդամ Լիաննա Գալստյանը մասնակցեց մարտի 19-22-ին Շվեյցարիայի Ժնև քաղաքում կայացած Ինտերնետ կառավարման համաժողովի 2018 թվականի առաջին բաց խորհրդատվության և բազմաշահառու խորհրդատվական խմբի հանդիպմանը՝ որպես այդ խմբի նորանշանակ անդամ։

Տեսնել ավելին

ICANN61

13 Մար 2018

«Ինտերնետ հանրություն» ՀԿ վարչության անդամ Սիրանուշ Վարդանյանը և կազմակերպության անդամներ Նարինե Խաչատրյանն ու Քրիստինա Հակոբյանը մասնակցեցին Պուերտո Ռիկոյի Սան Խուան քաղաքում կայացած ICANN61 հանդիպմանը։

Տեսնել ավելին

DotAsia անդամակցություն

07 Մար 2018

2018թ․ փետրվարի 24-ից «Ինտերնետ հանրություն» ՀԿ-ն անդամակցել է DotAsia կազմակերպությանը։

Տեսնել ավելին

APTLD73/APRICOT2018 հանդիպումներ Նեպալում

07 Մար 2018

«Ինտերնետ Հանրություն» ՀԿ վարչության անդամ Լիաննա Գալստյանը մասնակցեց Նեպալի Կատմանդու քաղաքում փետրվարի 22-23-ին կայացած APTLD73 հանդիպմանը, որի հյուրընկալող կողմը Նեպալի .NP Ռեգիստրն էր։ Հանդիպմանը ներկա էին Ասիա-խաղաղօվկիանոսյան երկրների դոմենային տիրույթների Ռեգիստրի ներկայացուցիչները, որտեղ տիկին Գալստյանը ներկայացրեց AM/ՀԱՅ տիրույթներում դոմենային անունների գրանցման քաղաքականությունը։ Տիկին Գալստյանը մասնակցեց նաև APRICOT2018 (փետրվարի 25-28) հանդիպման շրջանակներում Ինտերնետ հասարակության Նեպալի մասնաճյուղի կողմից կազմակերպված հանդիպմանը։ Նույն օրերին, DotAsia կազմակերպության 10-ամյա հոբելյանական նիստի ընթացքում հաստատվեց «Ինտերնետ Հանրություն» ՀԿ-ի՝ DotAsia-ի անդամակցությունը։

Տեսնել ավելին

EuroDIG 2018 նախապատրաստական հանդիպում Թբիլիսիում

07 Փտր 2018

«Ինտերնետ Հանրություն» ՀԿ վարչության անդամներ Լիաննա Գալստյանը և Վահան Հովսեփյանը մասնակցեցին փետրվարի 1-ին Թբիլիսիում կայացած EuroDIG 2018 նախապատրաստական հանդիպմանը, որտեղ քննարկվեց ամենամյա հանդիպման համար առաջարկվող օրակարգը, մասնակցության սկզբունքները և համագործակցությունը այլ ազգային Ինտերնետ կառավարման համաժողովների հետ։ EuroDIG-ը Եվրոպական տարածաշրջանային Ինտերնետ կառավարման համաժողով է, որն ամեն տարի անց է կացվում Եվրոպական որևէ երկրում։ Հիշեցնենք, որ այս տարի այն տեղի է ունենալու հունիսի 5-6-ին Թբիլիսիում։ Մանրամասների համար կարող եք այցելել EuroDIG-ի պաշտոնական կայքը։

Տեսնել ավելին

Ինտերնետ Հանրություն» ՀԿ-ն հայտարարում է Ինտերնետ կառավարման հայկական դպրոցի 2-րդ հոսքի մեկնարկը

15 Հնվ 2018

«Ինտերնետ Հանրություն» ՀԿ-ն հայտարարում է Ինտերնետ կառավարման հայկական դպրոցի 2-րդ հոսքի մեկնարկը, որի տևողությունը հինգ ամիս է։ Անվճար հիմունքներով դասընթացը կազմակերպվում է «Միացյալ Հայ Կամավորների Լիգա»֊ի հետ համատեղ Հայաստանի Ամերիկյան Համալսարանում։Ողջ դասընթացը բաժանված է վեց բաժինների՝ ներածություն, տեխնիկական, իրավական, անվտանգություն, տնտեսական և սոցիալ-մշակութային։Թեմատիկ դասընթացներն անցկացվելու են տարբեր ձևաչափերով․ հարց ու պատասխան, բանավեճեր, վեբինարներ, ազատ քննարկումներ և այլն, որոնց ընթացքում հնարավոր կլինի կիրառել ստացված գիտելիքները։Դասընթացի համար Հայաստանի տարբեր ԲՈՒՀ-երից ստացված 89 դիմորդներից ընտրվել է 38 ուսանող։ Դպրոցի 2-րդ դասընթացի մեկնարկը տրվել է հունվարի 13-ին։

Տեսնել ավելին

«Ինտերնետ հանրություն» ՀԿ-ի պաշտոնական կայքի նոր տարբերակը։

11 Հնվ 2018

Մեկնարկել է «Ինտերնետ հանրություն» ՀԿ-ի պաշտոնական կայքի նոր տարբերակը։ Կազմակերպության գործունեության պատմությունը ներկայացնող նախկին isoc.am կայքի բովանդակությունը տեղափոխվել է http://chronicle.isoc.am կայք:

Տեսնել ավելին

Վահան Մարտիրոսյանը և Յորան Մարբին ստորագրել են փոխըմբռնման հուշագիր

29 Դեկ 2017

Ս․թ․ դեկտեմբերի 19-ին Ժնևի Ազգերի Պալատում ՀՀ տրանսպորտի, կապի և ՏՏ նախարար Վահան Մարտիրոսյանը և Անուններ և ICANN կազմակերպության նախագահ Յորան Մարբին ստորագրել են փոխըմբռնման հուշագիր։ Ստորագրման արարողությանը մասնակցել են Շվեյցարիայում ՀՀ դեսպանատան մշտական ներկայացուցիներ, ինչպես նաև «Ինտերնետ Հանրություն» ՀԿ փոխնախագահ Գրիգոր Սաղյանը և վարչության անդամ Լիաննա Գալստյանը։ ICANN-ում Արևելյան Եվրոպայի և Կենտրոնական Ասիայի գլոբալ շահառու կողմերի ներգրավվածության ղեկավար Ալեքսանդրա Կուլիկովան արարողության բացման խոսքում բարձր գնահատեց ՀՀ հասարակական կազմակերպությունների մասնակցությունը ICANN-ի աշխատանքներում՝ ի դեմս «Ինտերնետ Հանրություն» ՀԿ-ի, իսկ փոխըմբռնման հուշագրի ստորագրումը դարձավ պետական մակարդակով համագործակցության ուղղությամբ կարևոր մի քայլ։

Տեսնել ավելին

Ինտերնետ կառավարման 12-րդ համաժողով

29 Դեկ 2017

 Ս․թ․ դեկտեմբերի 17-21-ին «Ինտերնետ Հանրություն» ՀԿ վարչության անդամներ Գրիգոր Սաղյանը, Լիաննա Գալստյանը և Ավետիք Եսայանը ելույթներով հանդես եկան Շվեյցարիայի Ժնև քաղաքում կայացած համաշխարհային Ինտերնետ կառավարման 12-րդ համաժողովին՝ ներկայացնելով հետևյալ թեմաները՝ բազմալեզու Ինտերնետը (ազգային այբուբենով դոմենային անունների գրանցման առանձնահատկությունները), թվային արտարժույթը և բլոքչեյն տեխնոլոգիաները, ինչպես նաև իրերի Ինտերնետը (IoT)։ 

Տեսնել ավելին