Նորություններ

ICANN62

03 Դեկ 2018

«Ինտերնետ հանրություն» ՀԿ վարչության անդամներ Լիաննա Գալստյանը և Սիրանուշ Վարդանյանը մասնակցեցին հունիսի 25-28-ին Պանամայում կայացած ICANN 62 հանդիպմանը։

Տեսնել ավելին

Ռեգիտոն 2018

28 Հնս 2018

2018 թ․ հունիսի 15-16-ին «Ինտերնետ հանրություն» ՀԿ և «Ինտերնետ տեխնոլոգիաների կենտրոն» ՍՊԸ-ի նախաձեռնությամբ Ծաղկաձորի «Մուլտի Ռեստ Հաուս» հյուրանոցում տեղի ունեցավ երկօրյա հանդիպում ռեգիստրարների հետ: Անդրանիկ հանդիպմանը մասնակցում էին բոլոր ռեգիստրար կազմակերպությունների ներկայացուցիչները, ինչպես նաև մասնակիցներ ՀՀ Ոստիկանությունից և ԱԱԾ–ից: Հանդիպման արտագնա ձևաչափը կարևոր նորարական հարթակ հանդիսացավ միմյանց ավելի լավ ճանաչելու և քննարկելու համայնքին առնչվող հետաքրքիր հարցեր: Հանդիպումը մեկնարկեց տնօրեն Արման Ներսիսյանի ողջույնի խոսքով, որում նշվեց, որ հանդիպման առանցքային նպատակը պետք է լինի գործողությունների և խնդիրների լուծման ճիշտ ու հստակ ուղիների դիտարկումն ու ընդունումը: Բանախոսներից էին Աննա Կարախանյանը, Դավիթ Կարապետյանը, Ալեքսանդրա Կուլիկովան (ICANN՝ հեռահար), Հրաչյա Հակոբյանը, Յուրի Կարգապոլովը (Ուկրաինա) և Արամ Օրբելյանը: Դիտարկվող թեմաներն էին՝ վեբ անվտանգությունը Հայաստանում, ICANN և WHOIS, դոմենային անունների գրանցման քաղաքականությունը, դոմենային անունների վեճերի ուկրաինական փորձը, դոմենային անունների վեճերի լուծման արբիտրաժի կանոնները: Քննարկումներն ամփոփվեցին համոզմամբ, որ նման հանդիպումները կլինեն շարունակական և հնարավորություն կտան առաջացող խնդիրների մասին բարձրաձայնել և լուծումներ փնտրել անկաշկանդ մթնոլորտում։   Այսպիսով՝ ակնկալում ենք արդյունավետ աշխատանք բոլոր ռեգիստրարների հետ ու միտված ենք էլ ավելի խորացնելու փոխգործակցությունն ու ներգրավվածությունը մեր համագործակցության շրջանակներում:

Տեսնել ավելին

SEEDIG 2018

01 Հնս 2018

«Ինտերնետ հանրություն» ՀԿ անդամներ Լիաննա Գալստյանը և Քրիստինա Հակոբյանը մասնակցեցին SEEDIG 2018 (Հարավ-արևելյան եվրոպական Ինտերնետ կառավարման երկխոսություն), հանդիպմանը, որը տեղի ունեցավ մայիսի 22-24-ին Սլովենիայի Լյուբլյանա քաղաքում` Սլովենիայի Հանրապետության Ազգային ժողովի նախագահի պատվավոր հովանու ներքո: Միջոցառման հյուրընկալող կողմը Digitas ինստիտուտն էր: SEEDIG 2018 միջոցառմանը ներկա էին 27 Հարավ-արևելյան եվրոպական և հարևան երկրներից բոլոր շահառու կողմերը ներկայացնող 120 մասնակից:

Տեսնել ավելին

MENOG 18

16 Մայ 2018

«Ինտերնետ հանրություն» ՀԿ վարչության անդամներ Արմեն Մուրադյանը, Վահան Հովսեփյանը և ArmSIG- ի ուսանողուհի Սյուզի Հովհաննիսյանը մասնակցեցին MENOG 18 (Մերձավոր Արևելքի ցանցային օպերատորների խումբ), հանդիպմանը, որը տեղի ունեցավ ապրիլի 25-26-ին Թեհրանում: Միջոցառման հյուրընկալող կողմը Իրանի Ինտերնետ մատակարար Asiatech ընկերությունն էր, իսկ հովանավորը՝ RIPE NCC ընկերությունը: MENOG 18-ին ներկա էին աշխարհի բոլոր աշխարհագրական տարածաշրջանները ներկայացնող 15 երկրներից 240 մասնակիցներ: Որպես տարածաշրջանում հիմնական «Ինտերնետ-կառուցողների» համար հարթակ, MENOG-ը մեծ հնարավորություն է ընձեռում գործընկերների հետ կապվելու, փորձ և գիտելիքներ փոխանակելու, ցանցային նորարարությունները ներկայացնելու և քննարկելու, նոր բիզնես մոդելներ և ծրագրերը բացահայտելու համար: Սա մի հարթակ է, որտեղ մասնակցում են Ինտերնետ ոլորտի, ակադեմիայի և կառավարության կողմից փորձագետներ և այլ հետաքրքրված մասնակիցներ: Կոնֆերանսի ընթացքում հայկական պատվիրակությունը հանդիպել է Մերձավոր Արևելքի և օտարերկրյա մասնագետների և մասնակիցների հետ և ձեռք է բերել մի շարք նախնական համաձայնագրեր: Էական քայլ է արվել իրանական շուկան իր բոլոր հնարավորություններով բացահայտելու և այնտեղ նոր բիզնես գաղափարներ գործարկելու ուղղությամբ: Պատվիրակությունը հնարավորություն ունեցավ կիսել իր փորձը և ծանոթանալ Իրանի գործարար միջավայրին՝ շնորհանդեսների, կլոր սեղան ձևաչափով հանդիպումների և քննարկումների միջոցով:

Տեսնել ավելին

ArmSIG | Կիբերանվտանգությունը Ռուսաստանում և ԻԿ էկոհամակարգը

04 Մայ 2018

Ապրիլի 21-ին կայացած դասընթացի թեման կիբերանվտանգությունն էր, իսկ հատուկ հյուրը՝ Լեոնիդ Տոդորովը, APTLD գլխավոր տնօրենը։ Նա ներկայացրեց կիբերանվտանգության իրավիճակը Ռուսաստանում և համեմատականներ անցկացրեց Հայաստանի հետ։ Մասնակիցներն ակտիվորեն հետաքրքրվեցին երկու երկրներում առկա զուգահեռներով, ինչպես նաև հարցադրումներ արեցին Ինտերնետ կառավարման էկոհամակարգի մասին:

Տեսնել ավելին

ArmSIG | Մարդու իրավունքները առցանց և անցանց

04 Մայ 2018

Ինտերնետ կառավարման հայկական դպրոցում մարդու իրավունքների մասին ելույթով հանդես եկավ Եվրոխորհրդի ներկայացուցիչ Ելենա Դոդոնովան։ Նա մանրամասն ներկայացրեց Եվրոխորհրդի մոտեցումները և ուղեցույցները՝ մարդու իրավունքները առցանց և անցանց միջավայրում։ Մասնակիցները հնարավորություն ունեցան հարց ու պատասխանի միջոցով իրենց մտահոգություններն ու ճշգրտումներն ուղղել դասախոսին։

Տեսնել ավելին

Աղջիկները ՏՀՏ ոլորտում

27 Ապր 2018

Այս տարի առաջին անգամ «Ինտերնետ հանրություն» ՀԿ-ն կազմակերպել էր միջոցառում՝ նվիրված «Աղջիկները ՏՀՏ ոլորտում» (Girls in ICT) միջազգային օրվան։ Միջոցառման նպատակն էր ստեղծել միջավայր, որտեղ խրախուսվում է աղջիկների և կանանց մասնակցությունն ու ձեռքբերումները ՏՀՏ ոլորտում: Միջոցառումը կազմակերպվել էր «կլոր սեղան» ձևաչափով՝ տեղեկատվական տեխնոլոգիաներն իրենց աշխատանքում կիրառող փորձառու և հաջողությունների հասած կանանց և երիտասարդ աղջիկների առերես և հեռահար մասնակցությամբ։ Բազմազան մասնագիտություններ ունեցող մասնակիցները պատմեցին իրենց գործունեության մասին, ինչպես նաև խոսեցին, թե ինչպես են կիրառում ՏՏ-ն՝ իրենց աշխատանքում հաջողությունների հասնելու համար։ Միջոցառման վերջում մասնակիցները բարձր գնահատեցին նման հանդիպման կարևորությունը և ցանկություն հայտնեցին այն դարձնել պարբերական՝ խթանելու ստեղծված համագործակցության մթնոլորտը։  

Տեսնել ավելին

Ռուսական 9-րդ Ինտերնետ կառավարման համաժողով

07 Ապր 2018

«Ինտերնետ հանրություն» ՀԿ վարչության անդամներ Աննա Կարախանյանը, Արմեն Մուրադյանն ու Վահան Հովսեփյանը մասնակցեցին Ռուսաստանի Դաշնության Սանկտ Պետերբուրգ քաղաքում ապրիլի 6-ին կայացած ռուսական 9-րդ Ինտերնետ կառավարման համաժողովին: Համաժողովի ընթացքում քննարկումներ ծավալվեցին տեղեկատվական անվտանգության, Ինտերնետ կառավարման տարածաշրջանային ասպեկտների, միջազգային համագործակցության և տեխնոլոգիական նորամուծությունների շուրջ: Ռուսաստանի, Չինաստանի, ԱՄՆ-ի և եվրոպական երկրների փորձագետները խոսեցին այն մասին, թե ով պետք է ավելի ակտիվ դերակատարություն ունենա գլոբալ Ինտերնետ կառավարման գործում և ինչ կարելի է անել նոր շահագրգիռ կողմերի ներգրավման համար: Միջոցառումը կազմակերպել էր .RU/.РФ տիրույթների համակարգող կենտրոնը՝ ICANN, ISOC, RIPE NCC, APTLD և Ինտերնետի տեխնիկական կենտրոնի աջակցությամբ: Համաժողովի կիբերանվտանգության գործընկերը Կասպերսկի լաբորատորիան էր:

Տեսնել ավելին

ՀՄՄ Տարածաշրջանային սեմինար և IoT SIG հանդիպում

07 Ապր 2018

«Ինտերնետ հանրություն» ՀԿ փոխնախագահ Գրիգորի Սաղյանը, տնօրեն Արման Ներսիսյանը և վարչության անդամներ Արմեն Մուրադյանն ու Վահան Հովսեփյանը մասնակցեցին ապրիլի 4-6-ին, Ուկրաինայի Օդեսա քաղաքում անցկացվող Իրերի Ինտերնետ Հատուկ Հետաքրքրության Խմբի (IoT SIG) նախապատրաստական հանդիպմանը, ինչպես նաև «Կիբերանվտանգություն և երեխաների առցանց պաշտպանություն» Եվրոպայի և ԱՊՀ երկրների ՀՄՄ տարածաշրջանային սեմինարին:

Տեսնել ավելին