Ներքին իրադարձություններ

Ապր
26

IP&IT մրցույթ

26 Ապր - 26 Ապր
Երևան

Ապրիլի 26-ին, մտավոր սեփականության միջազգային օրը, Մտավոր Սեփականության Իրավատերերի ակումբը «Ինտերնետ հանրություն» ՀԿ-ի հովանավորությամբ կազմակերպել է միջհամալսարանական մրցույթ, որի ժյուրի կազմում ընդգրկվել են կազմակերպության վարչության անդամ Գրիգորի Սաղյանը և կազմակերպության անդամ Վահան Հովսեփյանը։

Տեսնել ավելին
Ապր
25

Girls in ICT Day. «Կիբեր Հիգիենա. ինչպե՞ս անվտանգ մնալ Ինտերնետում»

25 Ապր - 25 Ապր
Երևան

«Girls in ICT» օրը ITU-ի (ՄԱԿ-ի տեղեկատվական և հաղորդակցական տեխնոլոգիաների մասնագիտացված գործակալության) ամենամյա միջոցառումներից է: Այս տարի այն նշվել է 2019 թ. ապրիլի 25-ին: «Girls in ICT» օրվա կապակցությամբ «Ինտերնետ հասարակության Հայաստան հատվածը» կազմակերպել էր «Cyber Hygiene կամ Կիբեր Հիգիենա. Ինչպե՞ս անվտանգ մնալ Ինտերնետում» խորագրով տեղեկատվական սեմինար: Սեմինարը նախատեսված էր ներկայացնելու, թե ինչպիսի անվտանգությանն առընչվող խնդիրներ կարող են լինել և ինչպես կարելի է անվտանգ մնալ Ինտերնետում: Սեմինարը տեղի ունեցավ Երևանի հ.174 դպրոցում: Միջոցառումը հյուրընկալեց աշակերտուհիներին, նրանց մայրերին և ուսուցիչներին, տեղեկանալու Ինտերնետային անվտանգության խնդիրների և սկզբունքների մասին: «UCOM»-ի տեղեկատվական անվտանգության բաժնի ղեկավար Կարեն Գասպարյանը պատմեց ամենատարածված կիբեր հարձակումների, վտանգների, խնդիրների և դրանցից խուսափելու մասին: Երիտասարդ մասնակիցները ևս ակտիվ էին քննարկումներում:

Տեսնել ավելին
Ապր
17

Աշխատանքային հանդիպում .am/.հայ Ռեգիստրարների հետ

17 Ապր - 17 Ապր
Երևան

Ապրիլի 17-ին ԻՀ ՀԿ գրասենյակում տեղի ունեցավ աշխատանքային հանդիպում, որին ներկա էին .am/.հայ ռեգիստրար կազմակերպությունները: Քննարկվեցին Ռեգիստր-Ռեգիստրար հարաբերություններին առնչվող մի շարք հարցեր։ Նշվեց, որ նման հանդիպումները կկրեն շարունակական բնույթ և կխթանեն ամուր աշխատանքային կապը։

Տեսնել ավելին
Մար
13

«Ինտերնետ հանրություն» ՀԿ արտահերթ ժողով

13 Մար - 13 Մար
Երևան, Հայաստան

2019թ․ մարտի 13-ին Անի Պլազա հյուրանոցում տեղի ունեցավ «Ինտերնետ հանրություն» ՀԿ-ի արտահերթ ժողով: Ժողովը հաստատեց օրակարգային հարցերը, որի արդյունքում կատարվեցին ընտրություններ: Ընտրվեցին կազմակերպության նախագահը, վարչության կազմը և վերահսկիչ հանձնաժողովի կազմը:

Տեսնել ավելին
Փտր
28

«Ինտերնետ հանրություն» ՀԿ արտահերթ ժողով

28 Փտր - 28 Փտր
Երևան, Հայաստան

2019թ․ փետրվարի 28-ին Թեքեյան կենտրոնում տեղի ունեցավ «Ինտերնետ հանրություն» ՀԿ-ի արտահերթ ժողով, որտեղ քննարկում ծավալվեց կազմակերպության կանոնադրության մեջ փոփոխություններ և լրացումներ կատարելու անհրաժեշտության շուրջ։ Քննարկվեց նաև կազմակերպությանը նոր անդամակցությունների դիմումների հաստատման և անդամավճարը չվճարած անդամների անդամակցությունը դադարեցնելու մասին հարցերը։

Տեսնել ավելին
Փտր
15

Տեղի ունեցավ «Ինտերնետ հանրություն» ՀԿ-ի տարեկան ժողովը

15 Փտր - 15 Փտր
Երևան, ՀՀ

2019թ․ փետրվարի 15-ին Թեքեյան կենտրոնում տեղի ունեցավ «Ինտերնետ հանրություն» ՀԿ-ի տարեկան ժողովը, որտեղ կազմակերպության նախագահ Իգոր Մկրտումյանը և տնօրեն Արման Ներսիսյանը ներկայացրեցին կազմակերպության 2016-2018թթ․-ի գործունեության և գույքի օգտագործման հաշվետվությունները, որոնք հաստատվեցին ժողովի կողմից: Միևնույն ժամանակ կազմակերպության անդամների 1/3-ի նախաձեռնությամբ սույն թվականի փետրվարի 28-ին կհրավիրվի կազմակերպության արտահերթ ժողով, որտեղ կքննարկվի կազմակերպության կանոնադրության մեջ փոփոխություններ և լրացումներ կատարելու հարցը:

Տեսնել ավելին
Փտր
07

Համացանցում հայատառ գրելու օրվա կապակցությամբ ասուլիս

7 Փտր - 7 Փտր
Երևան

«Նոյյան Տապան» լրատվական գործակալության մամուլի սրահում Համացանցում հայատառ գրելու օրվա կապակցությամբ տեղի ունեցավ ասուլիս: «Ինտերնետ հանրություն» ՀԿ-ի փոխնախագահ Գրիգորի Սաղյանը և արտաքին կապերի ղեկավար Լիաննա Գալստյանը խոսեցին համացանցում հայկական այբուբենի օգտագործման ներկայիս վիճակի, հայատառ դոմենային անունների գործարկման, խոչընդոտող հարցերի և լուծումների մասին՝ .հայ հայատառ դոմենային անվան տարածումը օգտագործելով որպես Համացանցում հայատառ գրելը խթանող ևս մեկ միջոց: Խոսելով «.հայ» դոմենի տարածման մասին՝ Գ. Սաղյանը նկատեց, որ տեխնիկական խնդիր կա հայերեն միջակետի (.) հետ կապված, որը միջազգային ICANN կազմակերպության արմատական սերվերները չեն ճանաչում և համապատասխան հղում չեն տալիս: Իսկ Լիաննա Գալստյանը պատմեց ընթացիկ ծրագրերի և համագործակցությունների մասին Լեզվի կոմիտեի և այլ պետական մարմինների հետ: Նշենք, որ «Ինտերնետ հանրություն» ՀԿ-ն համագործակցում է Լեզվի կոմիտեյի հետ 2018թ.-ի հուլիսից, որի արդյունքում պետական բոլոր մարմիններն ու կրթական հաստատությունները ստանում են .հայ դոմենային անունների տիրույթում անվճար անուն:

Տեսնել ավելին
Օգս
25

Հանդիպում Ինովացիոն Էթնիկ Մարզային Կենտրոնում

25 Օգս - 25 Օգս
Էջմիածին

Օգոստոսի 25-ին «Հայ Միասնության Խաչ» ԲՄՀԿ-ի «Ինովացիոն Էթնիկ Մարզային Կենտրոն»-ում «Ինտերնետ հանրություն» ՀԿ փոխնախագահ Գրիգորի Սաղյանը կենտրոնի ուսանողներին ներկայացրեց, թե ինչպես է աշխատում և կառավարվում ինտերնետը։

Տեսնել ավելին
Հնս
15

Ռեգիտոն 2018

15 Հնս - 16 Հնս
Ծաղկաձոր

2018 թ․ հունիսի 15-16-ին «Ինտերնետ հանրություն» ՀԿ և «Ինտերնետ տեխնոլոգիաների կենտրոն» ՍՊԸ-ի նախաձեռնությամբ Ծաղկաձորի «Մուլտի Ռեստ Հաուս» հյուրանոցում տեղի ունեցավ երկօրյա հանդիպում ռեգիստրարների հետ: Անդրանիկ հանդիպմանը մասնակցում էին բոլոր ռեգիստրար կազմակերպությունների ներկայացուցիչները, ինչպես նաև մասնակիցներ ՀՀ Ոստիկանությունից և ԱԱԾ–ից: Հանդիպման արտագնա ձևաչափը կարևոր նորարական հարթակ հանդիսացավ միմյանց ավելի լավ ճանաչելու և քննարկելու համայնքին առնչվող հետաքրքիր հարցեր: Հանդիպումը մեկնարկեց տնօրեն Արման Ներսիսյանի ողջույնի խոսքով, որում նշվեց, որ հանդիպման առանցքային նպատակը պետք է լինի գործողությունների և խնդիրների լուծման ճիշտ ու հստակ ուղիների դիտարկումն ու ընդունումը: Բանախոսներից էին Աննա Կարախանյանը, Դավիթ Կարապետյանը, Ալեքսանդրա Կուլիկովան (ICANN՝ հեռահար), Հրաչյա Հակոբյանը, Յուրի Կարգապոլովը (Ուկրաինա) և Արամ Օրբելյանը: Դիտարկվող թեմաներն էին՝ վեբ անվտանգությունը Հայաստանում, ICANN և WHOIS, դոմենային անունների գրանցման քաղաքականությունը, դոմենային անունների վեճերի ուկրաինական փորձը, դոմենային անունների վեճերի լուծման արբիտրաժի կանոնները: Քննարկումներն ամփոփվեցին համոզմամբ, որ նման հանդիպումները կլինեն շարունակական և հնարավորություն կտան առաջացող խնդիրների մասին բարձրաձայնել և լուծումներ փնտրել անկաշկանդ մթնոլորտում։ Այսպիսով՝ ակնկալում ենք արդյունավետ աշխատանք բոլոր ռեգիստրարների հետ ու միտված ենք էլ ավելի խորացնելու փոխգործակցությունն ու ներգրավվածությունը մեր համագործակցության շրջանակներում:

Տեսնել ավելին