Ներքին իրադարձություններ

Հնս
10

Regithon 2021

10 Հնս - 10 Հնս
Երևան

Հունիսի 10-ին տեղի ունեցավ Ռեգիտոն հանդիպումը, որտեղ մասնակից Ռեգիստրար կազմակերպությունների ներկայացուցիչներին ներկայացվեց «․հայ» դոմենային անունների տիրույթի 5-րդ տարեդարձի միջոցառումների շրջանակում նախատեսված «․հայ»-նեթ մրցույթը, մասնակցության պայմանները և ժամկետը, ինչպես նաև հատուկ Ռեգիստրարների համար նախատեսված մրցույթի մանրամասները։

Տեսնել ավելին
Հնս
10

Կլոր սեղան քննարկում՝ «․հայ» տիրույթի զարգացումը

10 Հնս - 10 Հնս
Երևան

«․հայ» դոմենային անունների տիրույթի 5-րդ տարեդարձի միջոցառումների շրջանակում «Ինտերնետ հանրություն» ՀԿ-ն հունիսի 10-ին կազմակերպեց «Կլոր սեղան քննարկում»՝ բոլոր շահագրգիռ խմբերի ներկայացուցիչների մասնակցությամբ՝ նվիրված հայատառ «․հայ» տիրույթի խնդիրներին և զարգացման ուղիներին։

Հանդիպմանը ներկա էին մասնակիցներ մի շարք կազմակերպություններից՝ ԲՏԱ նախարարություն, ԿԳՄՍ նախարարություն, Սփյուռքի հանձնակատարի գրասենյակ, Լեզվի կոմիտե, Վիքիմեդիա Հայաստան, «Երիտասարդ ծրագրավորողներ» ՀԿ ինչպես նաև մի շարք Ռեգիստրար կազմակերպությունների ներկայացուցիչներ։

Հանդիպման ընթացքում խոսեցինք IDN-ի, «․հայ» տիրույթի, ոլորտի նորությունների, առկա խնդիրների և տարբեր շահառու խմբերի դերի մասին։ Ելույթներով հանդես եկան ԻՀ ՀԿ աշխատակազմից՝ Լիաննա Գալստյանը, Քրիստինա Հակոբյանը և Աննա Կարախանյանը, ինչպես նաև առցանց բանախոս՝ .RU/.РФ տիրույթների համակարգող կենտրոնից Մարիա Կոլեսնիկովան, ով խոսեց IDN էլ․փոստի, համընդհանուր ընկալման (UA) և տարածաշրջանային UA խմբի աշխատանքների մասին։ 

Քննարկման արդյունքում համագործակցության և շարունակական աշխատանքի հիմքեր դրվեցին մասնակից կազմակերպությունների միջև։

Տեսնել ավելին
Հնս
07

ENOG 18

7 Հնս - 8 Հնս
Երևան

ENOG 18 հանդիպումը տեղի ունեցավ 2021թ․ հունիսի 7-8-ին՝ հիբրիդ ձևաչափով՝ տարբեր երկրներում կազմակերպելով Remote Broadcast Hub-եր։

«Ինտերնետ հանրություն» ՀԿ-ն «Հայաստանի օպերատորների միություն» ՀԿ-ի հետ համատեղ Երևանում կազմակերպել էր առերես հանդիպում, որի ժամանակ մասնակիցներն առցանց հնարավորություն ունեին հետևելու ENOG 18-ին և տեղում քննարկումներ կազմակերպելու՝ տարածաշրջանում ինտերնետի զարգացման, ինտերնետի կայունության բարելավման համար միասնական մասնագիտացված մոտեցում ստեղծելու վերաբերյալ։

Հանդիպման ավարտին Երևանի Remote Broadcast Hub-ը գրանցված մասնակիցների և հանդիպմանը ներկայացած մասնակիցների թվի հարաբերակցությամբ գերազանց ցուցանիշ գրանցեց։

ENOG18-ի ամբողջական ձայնագրությունը հասանելի է այստեղ։

Տեսնել ավելին
Մայ
05

«․հայ» դոմենային անունների տիրույթի 5-րդ տարեդարձը

5 Մայ - 5 Մայ
Երևան

2021թ. մայիսի 5-ին լրացավ «․հայ» դոմենային անունների տիրույթի 5-րդ տարեդարձը։ Այդ առիթով հրավիրվել էր ասուլիս, որտեղ Լիաննա Գալստյանը՝ որպես «Ինտերնետ հանրություն» ՀԿ-ի արտաքին կապերի ղեկավար, ներկայացրեց նախորդ տարիներին իրականացված ծրագրերը և 5-րդ տարեդարձի առթիվ նախատեսված 5 միջոցառումները։ Ասուլիսին ելույթ ունեցան «Ինտերնետ հանրություն» ՀԿ-ի խորհրդի փոխնախագահ Ալբերտ Տոնեյանը, որը ներկա էր որպես ԲՏԱ նախարարի խորհրդական և «Վիքիմեդիա Հայաստան» գիտակրթական ՀԿ-ի նախագահ Սուսաննա Մկրտչյանը։

Նախատեսված միջոցառումներն են․

1.  «Կլոր սեղան» քննարկում՝ ոլորտում ներգրավված կողմերի մասնակցությամբ, որի նպատակն է վերհանել հայկական ինտերնետ տիրույթի խնդիրները, վերլուծել խոչընդոտները և ձևավորել ճանապարհային քարտեզ տիրույթի առաջխաղացման համար։2. «Վիքիմեդիա Հայաստան» գիտակրթական հասարակական կազմակերպության հետ համատեղ կազմակերպվում է հայկական թեմատիկայի զարգացման մրցույթային արշավ, որի նպատակն է Հայերեն Վիքիպեդիայում հայոց պատմությանը, մշակույթին և գիտությանը նվիրված թեմաների զարգացումն ու արդիականացումը։ Այս «վիքի․հայ» արշավի մասնակիցների շնորհիվ հնարավոր կլինի ներկայացնել մեր պատմությունն ու մշակույթն իր ողջ բազմերանգությամբ, ճշմարտացի ձևով և ժառանգել սերունդներին։3. Նախատեսվում է անցկացնել լավագույն «․հայ» կայքերի մրցույթ՝ 3 անվանակարգերով՝ «Լավագույն դիզայն», «Լավագույն հայկական բովանդակություն», «Լավագույն օգտագործման մատչելիություն և հավելվածի առկայություն»՝ հիմնվելով ոլորտի մասնագետներից բաղկացած հանձնաժողովի որոշման վրա։4. Դոմենային անուն գրանցող կազմակերպությունների՝ Ռեգիստրարների միջև մրցույթ՝ ամենաշատ «․հայ» դոմենային անուն գրանցելու համար։5. «Ինովացիոն էթնիկ մարզային կենտրոն»-ի սաների մասնակցությամբ մրցույթ՝ լավագույն տեսահոլովակ «․հայ»-ի մասին։

Լրատվական միջոցների անդրադարձը «․հայ» դոմենային անունների տիրույթի 5-րդ տարեդարձի առթիվ՝ Առաջին Ալիք «Առավոտ Լուսո», Ժամը լրատվական, Ա1+, itel.am, b24.am, Radiovan:  

Տեսնել ավելին
Ապր
22

Աղջիկները ՏՀՏ-ում 2021

22 Ապր - 22 Ապր
Առցանց

«Ինտերնետ հանրություն» ՀԿ-ն արդեն 4-րդ տարին «Ինտերնետ հասարակության Հայաստան հատված» ՀԿ-ի հետ համատեղ կազմակերպում է Հեռահաղորդակցության Միջազգային Միության (ՀՄՄ) կողմից նախաձեռնած «Աղջիկները ՏՀՏ-ում» միջազգային միջոցառումը։ Այս տարի նախատեսված միջոցառումը տեղի ունենացավ ապրիլի 22-ին առցանց «Հայաստանի ՏՀՏ աշխատաշուկայի հնարավորությունները կանանց համար» խորագրով։

Հանդիպման բանախոսներն էին՝ 

- Քրիստինա Բաբաջանյան («Սոֆթ Կոնստրակտ» ՍՊԸ, տեխնոլոգիական գծով տնօրենի օգնական), - Անժելա Սարգսյան («ԹԻՄ» ՍՊԸ, UI/UX դիզայներ) - Մհեր Մարկոսյան (Երևանի Կապի միջոցների հետազոտական Ինստիտուտի տնօրեն)։

Հանդիպման ընթացքում քննարկվեց Հայաստանում կանանց համար ՏՀՏ աշխատաշուկայի և կրթության ոլորտի հնարավորություններն ու պահանջները։ Բոլոր մասնակիցներին հնարավորություն տրվեց ներկայանալ և քննարկվող թեմաների վերաբերյալ իրենց տեսակետները հայտնել։

Տեսնել ավելին
Դեկ
23

«Ռեգիտոն»

23 Դեկ - 23 Դեկ
Երևան

«Ռեգիտոն» ամենամյա միջոցառման շրջանակներում «Ինտերնետ տեխնոլոգիաների կենտրոն» ՍՊԸ-ն դեկտեմբերի 23-ին անցկացրեց 2020թ․ վերջին աշխատանքային հանդիպումը ռեգիստրար կազմակերպությունների հետ, այսպիսով՝ եզրափակելով Regithon 2020 քննարկումները։

Հանդիպումը տեղի ունեցավ հեռավար տարբերակով։ AMNIC ադմինիստրատոր Աննա Կարախանյանը ներկայացրեց դոմենային անունների գրանցման աճը համավարակի և պատերազմական իրավիճակի ընթացքում, ինչպես նաև քննարկվեցին տարաբնույթ գործառնական հարցեր։

Հանդիպմանը մասնակցում էր ԻՏԿ աշխատակազմը և հետևյալ ռեգիստրար կազմակերպությունները՝ Արփինետ ՍՊԸ, Բետանեթ ՍՊԸ, Գլոբալ ԷՅԷՄ ՍՊԸ, ԷյԲիՍիԴոմեն ՍՊԸ, ՄԵՆՔ Իրավաբանական, խորհրդատվական կենտրոն ՍՊԸ, Նեյմ ՍՊԸ, Ռեգնեսթ ՍՊԸ։

Տեսնել ավելին
Սեպ
14

ArmSIG 4

14 Սեպ - 17 Սեպ
Երևան

2020թ․ սեպտեմբերի 14-ին մեկնարկեց ArmSIG՝ Ինտերնետ կառավարման  հայկական դպրոցի 4-րդ հոսքի քառօրյա անվճար դասընթացը։

Դասընթացներն անցկացվեցին հիբրիդ տարբերակով, օնլայն մասնակիցների համար` ZOOM հարթակի միջոցով։ 

Քննարկվող թեմաներից են Ինտերնետ էկոհամակարգը, դոմենային անունների, մասնավորապես՝ «.am»/«.հայ» տիրույթները, Ռեգիստր/Ռեգիստրար գործունեությունը, անվտանգությունն ու գաղտնիությունը, թվային գրագիտությունն ու մարդու իրավունքները, ինչպես նաև ոլորտին առնչվող այլ կարևոր թեմաներ։ 

Այս հոսքի յուրահատկություններն են՝

a. հիբրիդ (առցանց և առերես) հանդիպում,

b. առաջին անգամ մասնակիցներ ՀՀ տարբեր մարզերից,

c. կրթական ոլորտի մասնակիցների գերակշռում,

d. կանանց մասնակցության գերակշռում։

Մանրամասն տեղեկատվությունը հասանելի է ArmSIG պաշտոնական կայքում։

Դասընթացի ավարտին բոլոր նրանք, ովքեր ակտիվորեն մասնակցեցին դասախոսություններին և վարժանքներին, ստացան մասնակցության սերտիֆիկատներ «Ինտերնետ հանրություն» ՀԿ-ի կողմից։

Տեսնել ավելին
Օգս
26

«.am» դոմենը 26 տարեկան է

26 Օգս - 26 Օգս
Երևան

Օգոստոսի 26-ին նշվում է «.am» դոմենային անունների տիրույթի հիմնադրման օրը: 

Մինչ «.am»-ի գործարկումը, Հայաստանում կայքերը գրանցվում էին «.com», «.org», «.net» տիրույթներում: 1994 թվականին նորարարական գաղափարներով ոգևորված նվիրյալ մասնագետների ջանքերով Հայաստանում գործարկվեց «.am» դոմենային անունների տիրույթը։

Իր  26-ամյակին «.am» դոմենային անունների տիրույթում կա 37807 գրանցված դոմենային անուն, որոնցից 56%-ը գրանցված է Հայաստանում։

«Ինտերնետ հանրություն» ՀԿ-ն շնորհավորում է բոլորին «.am» դոմենային անունների տիրույթը 26 տարիների ընթացքում կայուն և արդյունավետ գործարկելու և զարգացնելու կապակցությամբ։

Որոշ հղումներ հարցազրույցներից «Ինտերնետ հանրություն» ՀԿ ղեկավար կազմի հետ՝ տնօրեն Անդրանիկ Ալեքսանյան, խորհրդի նախագահ Իգոր Մկրտումյան, AMNIC- ի ադմինիստրատոր Աննա Կարախանյան, արտաքին կապերի ղեկավար Լիաննա Գալստյան, ԻՏԿ աշխատակազմի ղեկավար Քրիստինա Հակոբյան:

Ժամը լրատվական, ParaTV, հանրային հեռուստաընկերություն, news.amItel.am, hetq.am, b24.am 

Տեսնել ավելին
Հլս
30

«Ռեգիտոն» իրավական հանդիպում

30 Հլս - 30 Հլս
Երևան

Արդեն ավանդական դարձած «Ռեգիտոն» ամենամյա միջոցառման շրջանակներում ԻՏԿ ՍՊԸ-ն հուլիսի 30-ին անցկացրեց իրավական ուղղվածություն ունեցող աշխատանքային հանդիպում՝ հեռավար եղանակով։

Քննարկումներն անցկացվեցին մասնակից ռեգիստրար կազմակերպությունների կողմից առաջարկված թեմաների շուրջ` ԻՏԿ-Ռեգիստրար պայմանագրերում և դոմենային անունների գրանցման քաղաքականության մեջ փոփոխություններ կատարելու վերաբերյալ։

Մասնակից ռեգիստրար կազմակերպություններն էին՝ Այբ Սոլյուշնս ՍՊԸ, Այթիսեքյուրիթի ՍՊԸ, Բետանեթ ՍՊԸ, Գլոբալ ԷՅԷՄ ՍՊԸ, Դրամբոքս ՍՊԸ, ԷյԲիՍիԴոմեն ՍՊԸ, ՆԵՅՄ․ԷՅԷՄ ՍՊԸ, Ռեգնեսթ ՍՊԸ, Ռոյալ Հոլդինգ ՍՊԸ։

Տեսնել ավելին