Ներքին իրադարձություններ

Մայ
05

«․հայ» դոմենային անունների տիրույթի 5-րդ տարեդարձը

5 Մայ - 5 Մայ
Երևան

2021թ. մայիսի 5-ին լրացավ «․հայ» դոմենային անունների տիրույթի 5-րդ տարեդարձը։ Այդ առիթով հրավիրվել էր ասուլիս, որտեղ Լիաննա Գալստյանը՝ որպես «Ինտերնետ հանրություն» ՀԿ-ի արտաքին կապերի ղեկավար, ներկայացրեց նախորդ տարիներին իրականացված ծրագրերը և 5-րդ տարեդարձի առթիվ նախատեսված 5 միջոցառումները։ Ասուլիսին ելույթ ունեցան «Ինտերնետ հանրություն» ՀԿ-ի խորհրդի փոխնախագահ Ալբերտ Տոնեյանը, որը ներկա էր որպես ԲՏԱ նախարարի խորհրդական և «Վիքիմեդիա Հայաստան» գիտակրթական ՀԿ-ի նախագահ Սուսաննա Մկրտչյանը։

Նախատեսված միջոցառումներն են․

1.  «Կլոր սեղան» քննարկում՝ ոլորտում ներգրավված կողմերի մասնակցությամբ, որի նպատակն է վերհանել հայկական ինտերնետ տիրույթի խնդիրները, վերլուծել խոչընդոտները և ձևավորել ճանապարհային քարտեզ տիրույթի առաջխաղացման համար։2. «Վիքիմեդիա Հայաստան» գիտակրթական հասարակական կազմակերպության հետ համատեղ կազմակերպվում է հայկական թեմատիկայի զարգացման մրցույթային արշավ, որի նպատակն է Հայերեն Վիքիպեդիայում հայոց պատմությանը, մշակույթին և գիտությանը նվիրված թեմաների զարգացումն ու արդիականացումը։ Այս «վիքի․հայ» արշավի մասնակիցների շնորհիվ հնարավոր կլինի ներկայացնել մեր պատմությունն ու մշակույթն իր ողջ բազմերանգությամբ, ճշմարտացի ձևով և ժառանգել սերունդներին։3. Նախատեսվում է անցկացնել լավագույն «․հայ» կայքերի մրցույթ՝ 3 անվանակարգերով՝ «Լավագույն դիզայն», «Լավագույն հայկական բովանդակություն», «Լավագույն օգտագործման մատչելիություն և հավելվածի առկայություն»՝ հիմնվելով ոլորտի մասնագետներից բաղկացած հանձնաժողովի որոշման վրա։4. Դոմենային անուն գրանցող կազմակերպությունների՝ Ռեգիստրարների միջև մրցույթ՝ ամենաշատ «․հայ» դոմենային անուն գրանցելու համար։5. «Ինովացիոն էթնիկ մարզային կենտրոն»-ի սաների մասնակցությամբ մրցույթ՝ լավագույն տեսահոլովակ «․հայ»-ի մասին։

Լրատվական միջոցների անդրադարձը «․հայ» դոմենային անունների տիրույթի 5-րդ տարեդարձի առթիվ՝ Առաջին Ալիք «Առավոտ Լուսո», Ժամը լրատվական, Ա1+, itel.am, b24.am, Radiovan:  

Տեսնել ավելին
Ապր
22

Աղջիկները ՏՀՏ-ում 2021

22 Ապր - 22 Ապր
Առցանց

«Ինտերնետ հանրություն» ՀԿ-ն արդեն 4-րդ տարին «Ինտերնետ հասարակության Հայաստան հատված» ՀԿ-ի հետ համատեղ կազմակերպում է Հեռահաղորդակցության Միջազգային Միության (ՀՄՄ) կողմից նախաձեռնած «Աղջիկները ՏՀՏ-ում» միջազգային միջոցառումը։ Այս տարի նախատեսված միջոցառումը տեղի ունենացավ ապրիլի 22-ին առցանց «Հայաստանի ՏՀՏ աշխատաշուկայի հնարավորությունները կանանց համար» խորագրով։

Հանդիպման բանախոսներն էին՝ 

- Քրիստինա Բաբաջանյան («Սոֆթ Կոնստրակտ» ՍՊԸ, տեխնոլոգիական գծով տնօրենի օգնական), - Անժելա Սարգսյան («ԹԻՄ» ՍՊԸ, UI/UX դիզայներ) - Մհեր Մարկոսյան (Երևանի Կապի միջոցների հետազոտական Ինստիտուտի տնօրեն)։

Հանդիպման ընթացքում քննարկվեց Հայաստանում կանանց համար ՏՀՏ աշխատաշուկայի և կրթության ոլորտի հնարավորություններն ու պահանջները։ Բոլոր մասնակիցներին հնարավորություն տրվեց ներկայանալ և քննարկվող թեմաների վերաբերյալ իրենց տեսակետները հայտնել։

Տեսնել ավելին
Դեկ
23

«Ռեգիտոն»

23 Դեկ - 23 Դեկ
Երևան

«Ռեգիտոն» ամենամյա միջոցառման շրջանակներում «Ինտերնետ տեխնոլոգիաների կենտրոն» ՍՊԸ-ն դեկտեմբերի 23-ին անցկացրեց 2020թ․ վերջին աշխատանքային հանդիպումը ռեգիստրար կազմակերպությունների հետ, այսպիսով՝ եզրափակելով Regithon 2020 քննարկումները։

Հանդիպումը տեղի ունեցավ հեռավար տարբերակով։ AMNIC ադմինիստրատոր Աննա Կարախանյանը ներկայացրեց դոմենային անունների գրանցման աճը համավարակի և պատերազմական իրավիճակի ընթացքում, ինչպես նաև քննարկվեցին տարաբնույթ գործառնական հարցեր։

Հանդիպմանը մասնակցում էր ԻՏԿ աշխատակազմը և հետևյալ ռեգիստրար կազմակերպությունները՝ Արփինետ ՍՊԸ, Բետանեթ ՍՊԸ, Գլոբալ ԷՅԷՄ ՍՊԸ, ԷյԲիՍիԴոմեն ՍՊԸ, ՄԵՆՔ Իրավաբանական, խորհրդատվական կենտրոն ՍՊԸ, Նեյմ ՍՊԸ, Ռեգնեսթ ՍՊԸ։

Տեսնել ավելին
Սեպ
14

ArmSIG 4

14 Սեպ - 17 Սեպ
Երևան

2020թ․ սեպտեմբերի 14-ին մեկնարկեց ArmSIG՝ Ինտերնետ կառավարման  հայկական դպրոցի 4-րդ հոսքի քառօրյա անվճար դասընթացը։

Դասընթացներն անցկացվեցին հիբրիդ տարբերակով, օնլայն մասնակիցների համար` ZOOM հարթակի միջոցով։ 

Քննարկվող թեմաներից են Ինտերնետ էկոհամակարգը, դոմենային անունների, մասնավորապես՝ «.am»/«.հայ» տիրույթները, Ռեգիստր/Ռեգիստրար գործունեությունը, անվտանգությունն ու գաղտնիությունը, թվային գրագիտությունն ու մարդու իրավունքները, ինչպես նաև ոլորտին առնչվող այլ կարևոր թեմաներ։ 

Այս հոսքի յուրահատկություններն են՝

a. հիբրիդ (առցանց և առերես) հանդիպում,

b. առաջին անգամ մասնակիցներ ՀՀ տարբեր մարզերից,

c. կրթական ոլորտի մասնակիցների գերակշռում,

d. կանանց մասնակցության գերակշռում։

Մանրամասն տեղեկատվությունը հասանելի է ArmSIG պաշտոնական կայքում։

Դասընթացի ավարտին բոլոր նրանք, ովքեր ակտիվորեն մասնակցեցին դասախոսություններին և վարժանքներին, ստացան մասնակցության սերտիֆիկատներ «Ինտերնետ հանրություն» ՀԿ-ի կողմից։

Տեսնել ավելին
Օգս
26

«.am» դոմենը 26 տարեկան է

26 Օգս - 26 Օգս
Երևան

Օգոստոսի 26-ին նշվում է «.am» դոմենային անունների տիրույթի հիմնադրման օրը: 

Մինչ «.am»-ի գործարկումը, Հայաստանում կայքերը գրանցվում էին «.com», «.org», «.net» տիրույթներում: 1994 թվականին նորարարական գաղափարներով ոգևորված նվիրյալ մասնագետների ջանքերով Հայաստանում գործարկվեց «.am» դոմենային անունների տիրույթը։

Իր  26-ամյակին «.am» դոմենային անունների տիրույթում կա 37807 գրանցված դոմենային անուն, որոնցից 56%-ը գրանցված է Հայաստանում։

«Ինտերնետ հանրություն» ՀԿ-ն շնորհավորում է բոլորին «.am» դոմենային անունների տիրույթը 26 տարիների ընթացքում կայուն և արդյունավետ գործարկելու և զարգացնելու կապակցությամբ։

Որոշ հղումներ հարցազրույցներից «Ինտերնետ հանրություն» ՀԿ ղեկավար կազմի հետ՝ տնօրեն Անդրանիկ Ալեքսանյան, խորհրդի նախագահ Իգոր Մկրտումյան, AMNIC- ի ադմինիստրատոր Աննա Կարախանյան, արտաքին կապերի ղեկավար Լիաննա Գալստյան, ԻՏԿ աշխատակազմի ղեկավար Քրիստինա Հակոբյան:

Ժամը լրատվական, ParaTV, հանրային հեռուստաընկերություն, news.amItel.am, hetq.am, b24.am 

Տեսնել ավելին
Հլս
30

«Ռեգիտոն» իրավական հանդիպում

30 Հլս - 30 Հլս
Երևան

Արդեն ավանդական դարձած «Ռեգիտոն» ամենամյա միջոցառման շրջանակներում ԻՏԿ ՍՊԸ-ն հուլիսի 30-ին անցկացրեց իրավական ուղղվածություն ունեցող աշխատանքային հանդիպում՝ հեռավար եղանակով։

Քննարկումներն անցկացվեցին մասնակից ռեգիստրար կազմակերպությունների կողմից առաջարկված թեմաների շուրջ` ԻՏԿ-Ռեգիստրար պայմանագրերում և դոմենային անունների գրանցման քաղաքականության մեջ փոփոխություններ կատարելու վերաբերյալ։

Մասնակից ռեգիստրար կազմակերպություններն էին՝ Այբ Սոլյուշնս ՍՊԸ, Այթիսեքյուրիթի ՍՊԸ, Բետանեթ ՍՊԸ, Գլոբալ ԷՅԷՄ ՍՊԸ, Դրամբոքս ՍՊԸ, ԷյԲիՍիԴոմեն ՍՊԸ, ՆԵՅՄ․ԷՅԷՄ ՍՊԸ, Ռեգնեսթ ՍՊԸ, Ռոյալ Հոլդինգ ՍՊԸ։

Տեսնել ավելին
Հնս
11

«Ռեգիտոն» տեխնիկական հանդիպում

11 Հնս - 11 Հնս
Երևան

«Ռեգիտոն» ամենամյա միջոցառմանն ընդառաջ «Ինտերնետ տեխնոլոգիաների կենտրոն» ՍՊԸ-ն կազմակերպել էր տեխնիկական ուղղվածություն ունեցող աշխատանքային հանդիպում բոլոր ռեգիստրարների համար, որը տեղի ունեցավ հունիսի 11-ին հեռավար եղանակով: Հանդիպմանը մասնակցում էին նաև ԻՀ ՀԿ վարչության անդամներ Աննա Կարախանյանը, Արամ Վերդյանը, Գրիգորի Սաղյանը, Իգոր Մկրտումյանը, Լիաննա Գալստյանը, Միսակ Խաչատրյանը, Քրիստինա Հակոբյանը: 

Հանդիպմանը քննարկվեցին հետևյալ թեմաները՝ ️«Ինտերնետ հասարակության խորհուրդները հոստինգային ընկերություններին» (խոսնակ՝ Իգոր Մկրտումյան), «Ի՞նչ է DNSSEC և ի՞նչ առավելություններ է այն տալիս» (խոսնակ՝ Աննա Կարախանյան), «Universal Acceptance» (խոսնակ՝ Գրիգորի Սաղյան), ինչպես նաև ռեգիստրարների հարցերի շուրջ անցկացվեցին քննարկումներ:

Հանդիպմանը մասնակից ռեգիստրարներն էին՝ Այբ Սոլյուշնս ՍՊԸ, ԱյԹիՍեքյուրիթի ՍՊԸ, Արմինկո-ՆԿ ՍՊԸ, Արփինետ ՍՊԸ, Բետանեթ ՍՊԸ, Գլոբալ Ար ՍՊԸ, Գլոբալ ԷՅԷՄ ՍՊԸ, Դոլֆին ՍՊԸ, ԷյԲիՍիԴոմեն ՍՊԸ, Կորպոհոստ գրուպ ՍՊԸ, Հոստերգիգանտ ՍՊԸ, Նեյմ ՍՊԸ, Ռեգնեսթ ՍՊԸ, Ռոյալ Հոլդինգ ՍՊԸ: 

Ակտիվ և արդյունավետ քննարկումների համար շնորհակալ ենք բոլոր մասնակից ռեգիստրարների ներկայացուցիչներին: Ոլորտում ավելի մեծ արդյունքներ գրանցելու համար «Ռեգիտոն» ամենամյա միջոցառման շրջանակներում այսպիսի հանդիպումները կկրեն շարունակական բնույթ:

Տեսնել ավելին
Մայ
16

Մրցույթ՝ Մտավոր սեփականություն 2020

16 Մայ - 16 Մայ
Երևան

2020 թվականի մայիսի 16-ին տեղի ունեցավ «Մտավոր սեփականության իրավատերերի ակումբ» և «Ինտերնետ հանրություն» ՀԿ-ի կազմակերպած Մտավոր սեփականություն 2020 մրցույթի 2-րդ ամփոփիչ փուլը:  

Մրցույթի մասնակցության հայտ էին ուղարկել բազմաթիվ ուսանողներ, որոնցից 6 լավագույն հետազոտություններն անցել էին 2-րդ փուլ:

Մրցույթի առաջին երեք հորիզոնականները զբաղեցրած ուսանողներն են՝ 

1. Դիանա Բարսեղյան, Հայ-Ռուսական համալսարան 

2. Աննա Խաչատրյան, Հայաստանում ֆրանսիական համալսարան 

3. Կարոլինա Հարությունյան, Երևանի պետական համալսարան 

Մրցութային աշխատանքներին կարող եք ծանոթանալ հետևյալ հղումով:

 

Տեսնել ավելին
Ապր
23

Աղջիկները ՏՀՏ-ում 2020. «Հաղթահարելով թվային մարտահրավերները»

23 Ապր - 23 Ապր
Երևան

«Ինտերնետ հանրություն» ՀԿ-ն և «Ինտերնետ հասարակության Հայաստան հատված» ՀԿ-ն արդեն 3-րդ տարին համատեղ կազմակերպում են Հեռահաղորդակցության Միջազգային Միության (ITU) կողմից նախաձեռնած «Աղջիկները ՏՀՏ-ում» համաշխարհային միջոցառումը՝ կանանց ներգրավվածությունը ՏՀՏ ոլորտում խրախուսելու և աջակցելու համար:

Այս տարի միջոցառումն առցանց էր վեբինար ձևաչափով՝ «Հաղթահարելով թվային մարտահրավերները» խորագրով: Վեբինարին ներկա էին 60 մասնակիցներ, ներառյալ՝ ՀՄՄ Հեռահաղորդակցության Զարգացման Բյուրոյի տնօրեն Դորին Բոգդան-Մարտինը։

Վեբինարի ժամանակ ներկայացվեց 2 թեմա՝ կրթություն և թվային մարկետինգ։ Հրավիրված մասնագետները խոսեցին COVID-19-ի պայմաններում ստեղծված թվային, կրթական և բիզնես մարտահրավերներից և ներկայացրեցին այն տեխնոլոգիաներն ու թվային գործիքները, որոնք կարելի է օգտագործել այդ մարտահրավերները հաղթահարելու համար:

Տեսնել ավելին