Արտաքին իրադարձություններ

Նմբ
09

ENOG 17

9 Նմբ - 13 Նմբ
Առցանց

ENOG 17/RIPE NCC հանդիպումը տեղի ունեցավ առցանց՝ 2020 թ. նոյեմբերի 9-13-ը: Հանդիպումը հյուրընկալվեց RIPE NCC-ի կողմից:

ENOG 17-ին մասնակցում էր 374 մասնակից, ովքեր միացել էին առցանց՝ ENOG տարածաշրջանից և նրա տարածքից դուրս, ընդհանուր առմամբ 48 երկրներից: Այդ ներկաներից 172-ը առաջին անգամ էին միանում հանդիպմանը:

Հանդիպման սահիկաշարերը քննարկվեցին անգլերեն և ռուսերեն: Meetecho պլատֆորմի միջոցով ներկաներին տրամադրվեց միաժամանակյա թարգմանություն: Սահիկաշարերը հասանելի են արխիվում։

«Ինտերնետ հանրություն» ՀԿ-ի խորհրդի անդամներ և AMNIC- ի աշխատակիցներ Իգոր Մկրտումյանը և Միսակ Խաչատրյանը մասնակցեցին ENOG17 համաժողովին:

Տեսնել ավելին
Նմբ
02

IGF2020

2 Նմբ - 17 Նմբ
Առցանց

Ինտերնետ կառավարման ֆորումի (IGF) 15-րդ տարեկան ժողովը հյուրընկալվեց ՄԱԿ-ի կողմից առցանց` «Ինտերնետը` հանուն մարդկային կայունության և համերաշխության» խորագրով: Ֆորումի ծրագիրը կառուցվել է չորս հիմնական թեմատիկ ուղղություններով. (1) տվյալներ; (2) շրջակա միջավայր. (3) ներառում. (4) վստահություն:

Նոյեմբերի 2-6-ը ֆորումի առաջին փուլում տեղի ունեցան IGF 2020 նախնական միջոցառումները, նորեկների նիստերը, թեմատիկ ներածական նստաշրջանները, ինչպես նաև բաց ֆորումները, NRI-ների (ազգային և տարածաշրջանային IGF) և դինամիկ կոալիցիաների սեսիաները: Ֆորումը պաշտոնապես բացվեց նոյեմբերի 9-ին և փակվեց նոյեմբերի 17-ին: Այս 7-օրյա փուլում հյուրընկալվեցին աշխատաժողովներ, հիմնական նստաշրջաններ, բարձրաստիճան պաշտոնյաների հանդիպումներ, խորհրդարանական կլոր սեղան և թեմատիկ ամփոփիչ նիստեր:

Առցանց IGF2020-ին որպես մասնակից գրանցվել է 6150 մարդ: Հանդիպումն արձանագրել է 20,929 կապ դեպի նստաշրջաններ, որոնք անցկացվել են ավելի քան 1,000,000+ րոպե, ինչը նշանակում է, որ յուրաքանչյուր կապի համար միջին ժամանակը կազմել է 50 րոպե:

«Ինտերնետ հանրություն» ՀԿ-ի արտաքին կապերի ղեկավար Լիաննա Գալստյանը, որպես MAG-ի անդամ, համատեղ կազմակերպել էր Շրջակա միջավայրի վերաբերյալ հիմնական նիստը։

IGF2020-ի և դրա արդյունքների վերաբերյալ ավելի մանրամասն տեղեկություններ կարելի է գտնել առցանց:

Տեսնել ավելին
Հոկ
13

ICANN69 Առցանց տարեկան ընդհանուր հանդիպում

13 Հոկ - 22 Հոկ
Առցանց

ICANN69 տարեկան ընդհանուր ժողովը՝ 2020 թ.-ի ICANN-ի երրորդ հանրային ժողովը, մեկնարկեց 2020 թվականի հոկտեմբերի 13-ին: Այն ի սկզբանե պետք է տեղի ունենար Գերմանիայի Համբուրգ քաղաքում և ի հարգանք տեղի համայնքին, բոլոր նիստերն անցկացվեցին էին Համբուրգի ժամանակային գոտում, UTC +2։ Բացի այդ, հաշվի առնելով հանդիպման վիրտուալ բնույթը և ժամային գոտու հետ կապված մարտահրավերները՝ հանդիպումը նախատեսվում էր անցկացնել 2 մասով. համայնքի օրեր, 13-15 հոկտեմբեր 2020 և պլենար շաբաթ, 19–22 հոկտեմբեր 2020։

ICANN-ը իր տարեկան հանդիպմանն ապահովել էր հեռակա միաժամանակյա մեկնաբանություն (RSI) ICANN69-ի առանցքային նստաշրջանների համար ՄԱԿ-ի վեց լեզուներով `անգլերեն, արաբերեն, իսպաներեն, չինարեն, ռուսերեն և ֆրանսերեն:

Լիագումար շաբաթվա նստաշրջաններն ընդգրկում էին Tech Օր, GAC պլենար, Դոմենային Անվան բիզնես, ICANN տնօրենների խորհրդի և GAC-ի համատեղ հանդիպում, DNS չարաշահումների, համընդհանուր ընդունման հիմնախնդիրների հեռացման և այլ ուշագրավ նիստեր:

«Ինտերնետ հանրություն» ՀԿ-ի խորհրդի անդամները մասնակցեցին ICANN69 տարեկան ընդհանուր ժողովի բազմաթիվ նիստերի:

ICANN69 Առցանց տարեկան ընդհանուր ժողովի որոշումների և արդյունքների մասին կարող եք տեղեկանալ զեկույցում:

Տեսնել ավելին
Սեպ
21

SEEDIG 6

21 Սեպ - 25 Սեպ
Առցանց

Ի սկզբանե SEEDIG 6 հանդիպումը նախատեսված էր անցկացնել Մոլդովայում, սակայն այն ի վերջո տեղափոխվեց առցանց հարթակ: 

Ստեղծագործությունը, նորարարությունը և ինտերակտիվությունը SEEDIG 6 հանդիպման հիմքն էին, որը տևեց մեկ շաբաթ (21-25 սեպտեմբերի 2020): Յուրաքանչյուր օր այն ներառում էր մի քանի ժամ հիմնական սեսիաներ և ստեղծագործական հանդիպումներ, որոնք պլանավորված էին այնպես, որ մասնակիցներից չպետք է հետևեին ավանդական 8 ժամ տևողությամբ ծրագրին: Ոչ ֆորմալ հանդիպումները և զվարճանքը նույնպես միջոցառման մի մասն էին:

SEEDIG 6-ը ներկայացրեց ինը հիմնական սեսիաներ, որոնք խմբավորված էին չորս ուղով. Ինտերնետային ենթակառուցվածք, թվայնացում, վստահություն և անվտանգություն և առաջատար տեխնոլոգիաներ: Այս սեսիաների քննարկումներն արտացոլվել են հիմնական հաղորդագրություններում:

«Ինտերնետ հանրություն» ՀԿ-ի խորհրդի անդամ Լիաննա Գալստյանը, որպես SEEDIG Գործադիր կոմիտեի անդամ, վարում էր սեսիաներից մի քանիսը: Վիրտուալ հանդիպմանը մասնակցում էին խորհրդի անդամներ Սիրանուշ Վարդանյանը, Քրիստինա Հակոբյանը, և կազմակերպության անդամներ Անի Դալլաքյանը, Կատարինա Գևորգյանը:

SEEDIG 6 տարեկան ժողովի ամբողջական զեկույցը հասանելի է:

Տեսնել ավելին
Սեպ
17

CENTR. 51-րդ ադմինիստրատիվ հանդիպում

17 Սեպ - 17 Սեպ
Առցանց

«Ինտերնետ հանրություն» ՀԿ-ի խորհրդի անդամ Աննա Կարախանյանը մասնակցեց CENTR ասոցիացիայի անդամների 51-րդ հանդիպմանը, որը տեղի ունեցավ առցանց ձևաչափով: Դոմենային անունների 27 Ռեգիստրի ներկայացուցիչներ հավաքվել էին քննարկելու ccTLD-ների կառավարումն ու զարգացումը:

Տեսնել ավելին
Սեպ
08

APNIC50

8 Սեպ - 10 Սեպ
Առցանց

Սեպտեմբերի 8-10-ը տեղի ունեցավ APNIC50 հանդիպումը՝ որպես առցանց միջոցառում։ Համաժողովն ընդհանուր առմամբ համախմբում է ինտերնետի և ցանցային մասնագետների, կառավարության ներկայացուցիչների, ոլորտի ղեկավարների և այլ շահագրգիռ կողմերի մասնակցելու սեմինարների, համաժողովների դասընթացների, ձեռնարկների ուսուցման և քաղաքականության քննարկումներին:

«Ինտերնետ հանրություն» ՀԿ-ի արտաքին կապերի ղեկավար Լիաննա Գալստյանը մասնակցեց AP* Virtual Retreat-ին որպես APRALO փոխնախագահ՝ ներկայացնելով տարածաշրջանային նորությունները։

Տեսնել ավելին
Սեպ
07

TLDCON 2020

7 Սեպ - 8 Սեպ
Առցանց

2020 թ. սեպտեմբերի 7-8-ին առցանց եղանակով կայացավ ԱՊՀ, Կենտրոնական և Արևելյան Եվրոպայի ccTLD Ռեգիստրների և Ռեգիստրարների 13-րդ միջազգային համաժողովը՝ TLDCON2020։ Այն քննարկեց դոմենային անունների տիրույթի խնդիրները համաճարակի պայմաններում, DNS-ի տարբեր ասպեկտները և անունների վեճերի լուծման ընթացակարգը:

«Ինտերնետ հանրություն» ՀԿ-ի խորհրդի անդամ Աննա Կարախանյանը մասնակցում էր «IDN. Համընդհանուր ընկալման գլոբալ և տարածաշրջանային նախաձեռնություններ» սեսիային որպես խոսնակ և ներկայացրեց 2019-2020 ժամանակահատվածում «.հայ» տիրույթի առաջխաղացման աշխատանքների և զարգացման գործընթացների մասին։

«Ինտերնետ հանրություն» ՀԿ-ի խորհրդի անդամ Գրիգորի Սաղյանը մասնակցեց «Regulations: Ablation? Coaxing? Salvation?» սեսիայի շրջանակներում և պատմեց գլոբալ ոլորտային փոփոխությունների պայմաններում տարածաշրջանում կանոնակարգումների հիմնական միտումների և ccTLD-ների աշխատանքի վրա դրանց ազդեցության մասին:

Տեսնել ավելին
Սեպ
03

APTLD78

3 Սեպ - 4 Սեպ
Առցանց

Սեպտեմբերի 3-ից հեռավար տարբերակով մեկնարկեց 2020 թվականի APTLD78 հանդիպումը։ 

Ժողովին մասնակցում էին ավելի քան 190 անդամների պատվիրակներ և հյուրեր, որոնք ներկայացնում էին Ասիա-Խաղաղօվկիանոսյան I* կազմակերպությունները և համաշխարհային դոմենների արդյունաբերությունը:

Ընդհանուր առմամբ հանդիպմանը կազմակերպվեց 8 սեսիա, ավելի քան 40 բանախոսներ ներկայացրեցին վարչական, քաղաքականության, տեխնիկական, մարկետինգային և անվտանգության ոլորտները: Բացի այդ, տեղի ունեցան մի շարք կողմնակի ոչ պաշտոնական միջոցառումներ, որոնք նպատակ ունեին նպաստել համայնքի համագործակցության և փոխգործակցության ոգուն:

«Ինտերնետ  հանրություն» ՀԿ-ի խորհրդի անդամ Գրիգորի Սաղյանը ելույթով հանդես եկավ APTLD78 հանդիպմանը:

Տեսնել ավելին
Օգս
05

ICANN68 ամփոփում

5 Օգս - 5 Օգս
Առցանց

Օգոստոսի 5-ին առցանց անցկացվեց ICANN68 քաղաքականության վիրտուալ ֆորումի ընթացքում տեղի ունեցած կարևոր քննարկումների մասին ամփոփ հանդիպում: Հանդիպմանը մասնակցում էին նաև «Ինտերնետ հանրություն» ՀԿ-ի խորհրդի անդամներ Աննա Կարախանյանը, Իգոր Մկրտումյանը, Լիաննա Գալստյանը, Սիրանուշ Վարդանյանը, Քրիստինա Հակոբյանը, ինչպես նաև «Ինտերնետ հանրություն» ՀԿ-ի անդամներ Անի Դալլաքյանը,Կատարինա Գևորգյանը, Մարգարիտա Ղազարյանը:

Լիաննա Գալստյանը հանդիպմանը ներկա էր նաև որպես APRALO Փոխնախագահ։ Նա պատմեց ICANN68-ի ընթացքում APRALO-ի կողմից կազմակերպված հանդիպումների և տարածաշրջանում անցկացվող միջոցառումների մասին: Մասնավորապես՝ Universal Acceptance թեմային առնչվող հանդիպումների և դրանց արդյունքների մասին։

ICANN Fellowship ծրագրի ղեկավար Սիրանուշ Վարդանյանը, ներկայացրեց Fellowship և NextGen ծրագրերը և դրանց՝ կորոնավիրուսի հետևանքով տեղի ունեցած փոփոխությունների մասին։

Տեսնել ավելին