Արտաքին իրադարձություններ

Հնս
21

SEEDIG7 շարք | Ինտերնետը ձեր մայրենի լեզվով. Համընդհանուր ընդունում

21 Հնս - 21 Հնս
Առցանց

SEEDIG-ը նշում է իր յոթերորդ տարեդարձը յոթ միջոցառումներով, որոնք տեղի կունենան ամբողջ 2021թ -ի ընթացքում:

SEEDIG 7 շարքի առաջին միջոցառումն անցկացվեց 2021 թ.-ի հունիսի 21-ին՝ «Ինտերնետը ձեր մայրենի լեզվով. Համընդհանուր ընդունում» հիմնական թեմայի ներքո: Միջոցառումը կազմակերպվել էր Սերբիայի ինտերնետային տիրույթների գրանցման ազգային հիմնադրամի `RNIDS-ի և տեխնիկական գործընկերոջ` DiploFoundation-ի հետ համատեղ:

 

Հանդիպմանը ներկայացված էին.

- Զրույց Դանկո Եվտովիչի հետ | ICANN-ի տնօրենների խորհրդի անդամ

- շահագրգիռ կողմերի երկխոսություն UA ներգրավվածության ռազմավարության վերաբերյալ, որին մասնակցում էին.

Քրիստինա Հակոբյան | Ինտերնետ հանրություն ՀԿ (ISOC AM)

Մարիա Կոլեսնիկովա | ԱՊՀ և Արևելյան Եվրոպայի տարածաշրջանային UA համակարգող խումբ

Դիջանա Միլուտինովիչ | RNIDS

- Բաց խոսափող

Միջոցառումը վարում էր Դուշան Ստոյիչևիչը | Գրենսի

 

«Ինտերնետ հանրություն» ՀԿ խորհրդի անդամներ Աննա Կարախանյանը, Լիաննա Գալստյանը և Կատարինա Գևորգյանը նույնպես մասնակցեցին SEEDIG 7 շարքի մեկնարկային միջոցառմանը:

Հանդիպման տեսաձայնագրությունը հասանելի է այստեղ։

Տեսնել ավելին
Մայ
27

APTLD Վեբինար

27 Մայ - 27 Մայ
Առցանց

2021 թ.-ի մայիսի 27-ին APTLD- ի և ICANN- ի կողմից կազմակերպվեց և համաֆինանսավորվեց Համընդհանուր ընկալման վերաբերյալ վեբինար: Այն կրում էր «Համընդհանուր ընկալման կլոր սեղանի ասպետներ» բանաստեղծական անվանումը և ներկայացնում էր ccTLD կառավաիչներին, ովքեր քննարկում էին, թե ինչ է պահանջվում իրենցից և իրենց գործընկերներից` Համընդհանուր ընկալումը խթանելու համար:

«Ինտերնետ հանրություն» ՀԿ-ի խորհրդի փոխնախագահ Գրիգորի Սաղյանը և խորհրդի անդամ Աննա Կարախանյանը ներկա էին այս առցանց հանդիպմանը:

Տեսնել ավելին
Մայ
17

RIPE 82

17 Մայ - 21 Մայ
Առցանց

RIPE 82, RIPE երրորդ վիրտուալ հանդիպումը, տեղի ունեցավ 2021 թ. մայիսի 17-21-ը: Հանդիպման ծրագիրը կառուցվել էր DNS, Anti-Abuse, RIPE NCC ծառայություններ, IPv6, IoT, երթուղղում, տվյալների բազա և այլ թեմաների շուրջ: Հանդիպման ընթացքում աշխատանքային խմբերը ներկայացրեցին նաև նորություններ հասցեների քաղաքականության, կապի, համագործակցության և բաց աղբյուրի վերաբերյալ: RIPE 82 հանդիպմանը ներկայացված սահիկաշարերը հասանելի են այս հղումով։

RIPE 82-ին մասնակցում էին գրանցված 1,172 մարդ, 274 նորեկ և օրական միջինը 550 դիտող: Այս հանդիպմանը ամենաակտիվ մասնակից երկրների հնգյակի ցանկը գլխավորում էին Գերմանիան, Նիդեռլանդները, Միացյալ Թագավորությունը, Միացյալ Նահանգները և Իտալիան:

Տեսնել ավելին
Մայ
15

«Հայաստանը՝ որպես արդի արդյունաբերական և գիտահեն պետություն» ֆորում

15 Մայ - 16 Մայ
Դիլիջան

Մայիսի 15-16-ին Դիլիջանում տեղի է ունեցել «Հայաստանը՝ որպես արդի արդյունաբերական և գիտահեն պետություն» ֆորումը՝ կազմակերպված Առաջատար տեխնոլոգիաների ձեռնարկությունների միության (ԱՏՁՄ) և ՀՀ բարձր տեխնոլոգիական արդյունաբերության նախարարության կողմից։ Ֆորումին մասնակցում էր «Ինտերնետ հանրություն» ՀԿ-ի խորհրդի փոխնախագահ Գրիգոր Սաղյանը։

Ֆորումի նպատակն էր առաջատար տեխնոլոգիաների ոլորտի փորձի և ներուժի միջոցով ուղիներ նախանշել COVID-19-ի և պատերազմի պատճառով Հայաստանում առաջացած ճգնաժամի հետևանքները վերացնելու ուղղությամբ։

Երկօրյա ֆորումին մասնակցել են առաջատար տեխնոլոգիական ոլորտի, գիտահետազոտական կառույցների, համալսարանների, բիզնեսի, ինչպես նաև պետական գերատեսչությունների ներկայացուցիչներ։ 

Բացման արարողությանը ՀՀ ԲՏԱ նախարարի պաշտոնակատար Հայկ Չոբանյանը, ՀՀ էկոնոմիկայի նախարարի պաշտոնակատար Վահան Քերոբյանը, ԱՏՁՄ վարչության նախագահ Ալեքսանդր Եսայանն ու գործադիր տնօրեն Րաֆֆի Քասարջյանը ողջունել են ներկաներին ու հույս հայտնել, որ նման ձևաչափի հանդիպումները կխթանեն միջոլորտային համագործակցությանը։

Քննարկման հիմնական թեմաներն էին Հայաստանում գիտահետազոտական ներուժի վերականգնման հնարավորությունները, արդյունաբերության և գիտահետազոտական ոլորտի զարգացմանը նպաստող էլեկտրոնային կառավարման համակարգերի և պետական անվտանգության ստանդարտների մշակումը, արդի արդյունաբերական համալիրի համար ինժեներական կրթությամբ մասնագետների ապահովումը, գիտահետազոտական ոլորտի համար անհրաժեշտ կադրերի նվազագույն քանակի ապահովումը։

Տեսնել ավելին
Մայ
06

CENTR 35-րդ ադմինիստրատիվ և մարկետինգային վեբինար

6 Մայ - 7 Մայ
Առցանց

«Ինտերնետ հանրություն» ՀԿ-ի խորհրդի անդամ Աննա Կարախանյանը մասնակցեց CENTR-ի 35-րդ առցանց ադմինիստրատիվ և մարկետինգային վեբինարին:

Հանդիպմանը եվրոպական Ռեգիստրների, ինչպես նաև .us և .jp ccTLD Ռեգիստրների ներկայացուցիչները քննարկեցին IDN-ների զարգացումը. ներկա իրավիճակը, առաջխաղացման առանձնահատկությունները և առաջացող դժվարությունները: Մյուս մասնակիցներն էին Պատրիկ Մայլզը (CENTR), Ջnիովանի Սեպպիան (.eu), Դանա Լյուդվիգը (.lv), Յարոմիր Թալիրը (.cz) և Սումիկա Ուչիկավան (.jp):

Տեսնել ավելին
Ապր
20

ICANN70 ամփոփում

20 Ապր - 20 Ապր
Առցանց

Ապրիլի 20-ին առցանց անցկացվեց ICANN70 վիրտուալ ֆորումի ընթացքում տեղի ունեցած կարևոր քննարկումների մասին ամփոփ հանդիպում, որին մասնակցեցին «Ինտերնետ հանրություն» ՀԿ-ի խորհրդի անդամներ։ Հանդիպման ընթացքում քննարկվեցին վերջին հանդիպման կարևորագույն իրադարձությունները, ICANN համայնքի նորություններն ու ծրագրերը:

Միխայիլ Անիսիմովը (ICANN) որոշ մանրամասներ հայտնեց ICANN-ի ծրագրերի մասին, մասնավորապես՝ նոր gTLD ծրագրի առաջիկա երկրորդ պատուհանի, նոր նախագծերի և ICANN նախաձեռնությունների վերաբերյալ: Սիրանուշ Վարդանյանը (ICANN) մանրամասներ ներկայացրեց Fellowship ծրագրի վերաբերյալ, իսկ «Ինտերնետ հանրություն» ՀԿ-խորհրդի անդամ Քրիստինա Հակոբյանը ներկայացրեց GAC-ի նորություններին:

Տեսնել ավելին
Ապր
13

WSIS Ֆորում 2021

13 Ապր - 13 Ապր
Առցանց

2021 թ. ապրիլի 13-ին «Ինտերնետ հանրություն» ՀԿ-ի խորհրդի անդամ Գրիգորի Սաղյանը Տեղեկատվական Հասարակության Համաշխարհային Գագաթնաժողովի (WSIS ֆորում 2021) շրջանակներում ելույթ ունեցավ առցանց սեմինարին`«Համընդհանուր ընդունում Եվրասիայում և Ասիա-խաղաղօվկիանոսյան տարածաշրջանում» խորագրով: Նա խոսեց «Համընդհանուր ընդունման խթանումը` որպես Եվրասիայում և Ասիա-Խաղաղօվկիանոսյան տարածաշրջանի բազմալեզվության և տեղական բովանդակության ստեղծման առաջընթացի նախապայման» թեմայի շուրջ:

Սեսիայի բանախոսները քննարկեցին իրենց երկրներում Համընդհանուր ընդունման իրազեկվածության մակարդակի և վերջնական օգտագործողների համար դրա ներդրումը  հնարավորությունների մասին, ինչպես նաև առաջարկեցին բիզնեսին և կառավարությանը ներգրավելու ուղիներ դրա աջակցման և խթանման գործում:

Տեսնել ավելին
Ապր
07

RIGF11

7 Ապր - 9 Ապր
Առցանց

2021 թվականի ապրիլի 7-9-ը Մոսկվայում անցկացվեց Ռուսական Ինտերնետ կառավարման 11-րդ համաժողովը (RIGF 2021): Այն կազմակերպվել էր հիբրիդ ձևաչափով՝ բանախոսները ելույթ էին ունենում անցկացման վայրում, իսկ մասնակիցները կարող էին միանալ առցանց եղանակով:

3 օրերի ընթացքում տեղի ունեցավ 3 մրցանակաբաշխություն, ինչպես նաև 8 սեսիաներ, որոնցում ելույթ ունեցան 50 փորձագետներ աշխարհի տարբեր երկրներից:

Ավելի քան 1200 մասնակից հետում էին ֆորումին առցանց և առերես:

Ֆորումի ընթացքում քննարկվեցին տեղեկատվության անվտանգության, ինտերնետի նկատմամբ վստահության, սոցիալական ցանցերի կարգավորումների, տվյալների պաշտպանության, արհեստական բանականության օգտագործման և ինտերնետի զարգացման հետ կապված շատ այլ կարևոր հարցեր:

«Ինտերնետ հանրություն» ՀԿ-ի խորհրդի անդամները առցանց մասնակցեցին Ռուսական Ինտերնետ կառավարման 11-րդ համաժողովին։

Բանախոսների սահիկաշարերը և ֆոտոռեպորտաժի տեսաձայնագրությունները հասանելի են պաշտոնական կայքում:

Տեսնել ավելին
Ապր
05

7-րդ ME DNS ֆորում

5 Ապր - 7 Ապր
Առցանց

Մերձավոր Արևելքի DNS 7-րդ ֆորումը, որը հյուրընկալվեց CITC-ի կողմից, տեղի ունեցավ 2021 թ.-ի ապրիլի 5-7-ը առցանց: Այն մեկնարկեց ICANN-ի CTO Դեյվիդ Քոնրադի բացման ելույթով՝ անդրադառնալով ներկայիս DNS աշխատանքիդ և էկոհամակարգիդ, նոր ստանդարտների, ինչպես նաև զարգացող տեխնոլոգիաների և դրանց ազդեցությունը DNS-ի վրա թեմաներին:

MEDNS ֆորումը միավորել էր ոլորտի փորձագետներին և շահակիր կողմերին` քննարկելու գլոբալ դոմենային տիրույթի շուկայում վերջին զարգացումները և Մերձավոր Արևելքում DNS արդյունաբերության հզորացման ուղիները: Այն նաև անդրադարձավ Համընդհանուր ընդունման մարտահրավերներին և լուծումներին։ 

«Ինտերնետ հանրություն» ՀԿ-ի խորհրդի անդամները մասնակցեցին Մերձավոր Արևելքի DNS ֆորումի 7-րդ հանդիպմանը:

Տեսնել ավելին