Internet Society

Համաշխարհային ինտերնետ կառավարման (IGF 2019) ֆորումը տեղի ունեցավ Գերմանիայի մայրաքաղաք Բեռլինում նոյեմբերի 25-29, 2019: Համաժողովին բացման խոսքով ներկայացել են ՄԱԿ-ի գլխավոր քարտուղար Անտոնիո Գուտերեշը և Գերմանիայի կանցլեր Անգելա Մերկելը: IGF 2019-ի շրջանակներում անցկացվեցին 200 սեսիա, որոնց մասնակցեցին 3,679 մասնակից: Բեռլինն ընդունեց մասնակիցներ 161 տարբեր երկրներից: Նրանցից 53%-ը նորեկներն էին: Առցանց մասնակցություն ունեցան մոտ 3000 մարդ: IGF 2019 ծրագիրը ներառում էր`10 հիմնական թեմատիկ սեսիա, 64 սեմինար, 36 բաց ֆորում, 4 լավագույն փորձի ֆորում, 14 դինամիկ կոալիցիայի սեսիա, 6 ազգային, տարածաշրջանային և երիտասարդական (NRIs) համատեղ սեսիաներ, 16 «այլ» սեսիա, 6 ներածական և եզրափակիչ սեսիա, ծրագրում ընդհանուր առմամբ 200 սեսիա: Նախորդ տարիների համեմատ ծրագրում սեսիաների կրճատված քանակը MAG-ի նոր «ծրագրի ձևավորման մոտեցման» արդյունքն է, ինչն ուղղված էր ավելի հստակ, կենտրոնացած քննարկումների և ավելի քիչ զուգահեռ կամ կրկնօրինակ սեսիաների անցկացմանը: Ընդգրկվել էին հստակ երեք հստակ թեմատիկ ուղղվածությամբ սեսիաներ:

ԻՀ ՀԿ վարչության անդամներ Աննա Կարախանյանը, Արման Ներսիսյանը և Արմեն Մուրադյանը նոյեմբերի 19-ին Մինսկում մասնակցեցին Բելառուսական ինտերնետ կառավարման համաժողովին: ԻՀ ՀԿ անդամ Վահան Հովսեփյանը ևս ներկա էր, ով նաև ներկայացրեց RIPE NCC կազմակերպությունը: Համաժողովի մասին մանրամասները կարող եք տեսնել՝ https://igf.by/en/

ԻՀ ՀԿ անդամները նոյեմբերի 13-ին Թբիլիսիում մասնակցեցին վրացական ինտերնետ կառավարման` GeoIGF և GeoNOG համաժողովներին: Կազմակերպության անդամ Վահան Հովսեփյանը ներկայացավ բացման խոսքով, իսկ վարչության անդամ Քրիստինե Գյոնջյանը խոսեց երկրի լայնաշերտ կապի զարգացման, ինչպես նաև հայկական լայնաշերտ կապի շուկայի և միտումների մասին: Համաժողովների տեսագրությունները կարող եք դիտել՝ http://geoigf.ge/en/

ICANN կազմակերպության 66-րդ հանդիպումը տեղի ունեցավ նոյեմբերի 2-7, 2019 Կանադայի Մոնրեալ քաղաքում: ԻՀ ՀԿ-ի վարչության անդամներ Լիաննա Գալստյանը, Սիրանուշ Վարդանյանը, Քրիստինա Հակոբյանը և ԻՀ ՀԿ անդամ Կատարինա Գևորգյանը ակտիվ մասնակցություն են ցուցաբերել հանդիպմանը: Հանդիպման մանրամասները հասանելի են կայքում https://meetings.icann.org/en/montreal66

«Ինտերնետ հանրություն» ՀԿ վարչության անդամներ Լիաննա Գալստյանը, Քրիստինա Հակոբյանը և կազմակերպության անդամ Կատարինա Գևորգյանը հոկտեմբեր 31-ից մասնակցեցին Կանադայի Մոնրեալ քաղաքում կայացած Հյուսիսամերիկյան ինտերնետ կառավարման դպրոցի երկօրյա դասընթացին, որտեղ հնարավորություն եղավ քննարկել ինտերնետ կառավարման արդիական թեմաներ և կիսվել հայկական փորձով։ Բանախոսների շարքում ներկայացել էին Ինտերնետ հասարակություն կազմակերպության նախագահ և տնօրեն Անդրյու Սալիվանը, ICANN կազմակերպության տնօրենների խորհրդի 5 անդամներ և համաշխարհային այլ կազմակերպությունների բարձրաստիճան ներկայացուցիչներ և փորձագետներ։

.RU/.РФ դոմենների համակարգող կենտրոնը սեպտեմբերի 11-12-ին Լիտվայի Վիլնյուս քաղաքում կազմակերպել էր 12-րդ TLDCON միջոցառումը՝ ԱՊՀ, Կենտրոնական և Արևելյան Եվրոպայի ccTLD ռեգիստրների և ռեգիստրար կազմակերպությունների համար: .AM տիրույթի մենեջեր, «Ինտերնետ հանրություն» ՀԿ-ի խորհրդի անդամ Աննա Կարախանյանը, մասնակցել է այս միջոցառմանը:

10-րդ Asia Pacific տարածաշրջանային Ինտերնետ կառավարման համաժողովը (APrIGF) այս տարի անց է կացվել Ռուսաստանի քաղաք Վլադիվոստոկում: APrIGF-ի թեման էր՝ «Անվտանգ, ապահով և ունիվերսալ Ինտերնետ բոլորի համար»: DAY 0 երիտասարդների և նորեկների համար կարողությունների զարգացման օրվան հաջորդեց հուլիսի 17-ին տեղի ունեցած 10-րդ APRIGF-ի բացման նիստը:   Բացման ելույթներին հետևեց «Ինտերնետի կառավարումը Asia Pacific երկրներում՝ զարգացումներ և հեռանկար» սեսիան: «Ինտերնետ հանրություն» ՀԿ-ի խորհրդի անդամ Լիաննա Գալստյանը մասնակցել և ելույթ է ունեցել APRIGF-ի այս սեսիայի ընթացքում, ինչպես նաև համընդհանուր ընկալման, IDN-ների և ոլորտի զարգացման վերաբերյալ քննարկումներում որպես բանախոս: APRIGF-ը լի էր Ինտերնետ կառավարման մասին տարաբնույթ քննարկումներով:  

ICANN-ի 65-րդ հանդիպումը տեղի ունեցավ 2019 թ. հունիսի 24-27-ը Մարոկկոյի Մարակեշ քաղաքում: ICANN65 քաղաքականության համաժողովը ներառում էր GNSO-EPDP 2-րդ փուլի և ccNSO անդամների հանդիպումներ, At-Large քաղաքականության սեսսիաներ, ICANN-ի երրորդ հաշվետվողականության և թափանցիկության քննարկման թիմի նիստերը: Այն ստեղծեց մի շարք համայնքային խմբերի և խորհրդի միջև փոխհարաբերությունների հնարավորություն: Մարոկկոյում ICANN65-ի հատուկ արարողությանը 2019 թ. «Multistakeholder Ethos» մրցանակը շնորհվեց ICANN համայնքի երկարատև անդամ Քուրտ Պրիտցը: «Ինտերնետ հանրություն» ՀԿ-ի վարչության անդամներ Սիրանուշ Վարդանյանը և Կրիստինա Հակոբյանը մասնակցում էին ICANN65 հանդիպմանը և քննարկումներին: ICANN65 քաղաքականության համաժողովի լուսանկարները կարող եք տեսնել այստեղ:

Այս տարի EuroDIG-ը տեղի է ունեցել 2019 թվականի հունիսի 19-20-ը Հաագայում: Այն հյուրընկալվել է Նիդերլանդների տնտեսության և կլիմայի քաղաքականության նախարարության կողմից, ECP- Նիդերլանդների տեղեկատվական հասարակության, Հաագայի քաղաքապետարանի և SIDN-ի .nl դոմենային անունների տիրույթի ռեգիստրի աջակցությամբ: EuroDIG-ը ամենամյա երկխոսության հարթակ է Եվրոպայի շահագրգիռ կողմերի միջև: «Ինտերնետ հանրություն» ՀԿ-ի խորհրդի անդամ Լիաննա Գալստյանը մասնակցեց EuroDIG 2019 հանդիպմանը: EuroDIG 2019-ի համընդհանուր թեման էր «Համագործակցություն թվային դարաշրջանում»` կարևորելով multistakeholder գործընթացների հնարավորությունները: Հանդիպման ժամանակ քննարկվել են հետևյալ թեմաները՝ մեդիա և բովանդակություն, հասանելիություն և գրագիտություն, Ինտերնետ կառավարման էկոհամակարգի զարգացում, անվտանգություն, մարդու իրավունքներ և այլն: Հաջորդ EuroDIG-ը տեղի կունենա 2020թ. հունիսի 10-ից 12-ը Իտալիայի Տրիեստե քաղաքում: EuroDIG-ի և այլ մանրամասն տեղեկատվության համար այցելեք eurodig.org կայք: